web counter
LEXO PA REKLAMA!

SHKARKO APP

App Store
Google Play

E fundit!

x

Saimir Tahiri flet hapur për akuzat/ "Proces politik, nuk më duhet mbështetja e Ramës"

28 Shkurt 2019, 12:58, Aktualitet CNA

Ish-Ministri i Brendshëm Saimir Tahiri, pasi është njohur me akuzat e ngritura nga Prokuroria për Krime të Rënda, e ka quajtur procesin e hetimeve ndaj si të montuar politikisht.

Mbi Tahirin tashmë zyrtarisht rëndojnë akuzat për trafik droge dhe grup të strukturual kriminal.

Sipas të njëjtit drejtësia ashtu siç e nisi dhe e bitisi.

“Drejtësinë do ta respektoj deri në fund sa kohë jam në këtë situatë. Mua nuk më frikëson asgjë përveç të vërtetës.Nuk më intereson, se çfarë bën Prokuroria. Unë di që ky është një proces i turpshëm politik i komanduar nga fillimi deri në fund”, ka thënë Tahiri para gazetarëve.

I pyetur se për cilin krah të politikës e kishte fjalën, kur tha se ishte proces i montuar politika, Tahiri e ka shmangur përgjigjen.

Sipas të njëjtit, e vërteta e tij është e kundërta e asaj që mendon Prokuroria.

Me tej Tahiri ka përmenduar si provë të pafajësisë së tij dhe vendimin e autoriteteve italiane.

Tahiri është pyetur edhe rreth një versioni që qarkullon në rrethin politik dhe atë mediatik se ai disponon materaile shantazhuese ndaj politikës.

Por, përgjigjja e Tahirit për këtë pyetje ka qenë epike.

“Këtij vendi i mjafton baba Taku me çantën e zezë dhe nuk ka nevojë për Saimir Tahirin”, është përgjigjur ai.

Ndër të tjera Tahiri, i është përgjigjur interesit të gazetarëve, nëse e ka mbështetjen e kryeministrit Edi Rama.

“Nuk më duhet mbështetja e tij (Ramës) dhe e askujt.  Më duhet vetëm e vërteta ime. Unë ia dal  me çdo kosto dhe çmim”, ka thënë Tahiri./CNA.al





Lajmet e fundit nga