web counter
LEXO PA REKLAMA!

SHKARKO APP

App Store
Google Play

E fundit!

x

Ndërkombëtarët: Zgjedhjet janë të pranuara, të mos pengohet integrimi për interesa partiake

28 Shkurt 2019, 10:15, Aktualitet CNA

Ndërkombëtarët këmbëngulin se vendi i opozitës është në Kuvend dhe se vendimi për djegien e mandateve pengon çeljen e negociatave.

Të njëjtin qëndrim ka mbajtur sot edhe delegacioni i PE-së, gjatë një konmference të përbashkët për mediat.

Shefi i delegacionit të Parlamentit Evropian në Tiranë, Tunne Kelam ka reaguar edhe në lidhje me akuzat e opozitës për blerjen e zgjedhjeve.

Kelam thotë se është i interesuar që Shqipëria të hapë zyrtarisht negociatat, dhe shpreson në këtë. Por ai bën një apel për bashkëpunim të brendshëm mes palëve politike, duke e konsideruar jetike.

“Zgjedhjet janë të njohura, janë pranuar, dhe duhet aderuar në institucione. Bojkotimi i Kuvendit, në vetvete përbën një sinjal shumë të keqe, cënon besueshmërinë e kombit dhe të shtetit. Ne nuk jemi dakord që bojkotimi i Kuvendit do të ishte gjëja e duhur për tu bërë. Nuk mund të gjesh dot një arsye, një pretendim për të penguar anëtarësimin, nga interesa partiake”, theksoi Kelam.

Ndërsa në lidhje me përgjimin e kryebashkiakut të Durrësit, Vangjush Dako, Kelam tha se rastet sporadike nuk ndikojnë rezultatin e zgjedhjeve.

“Kolegët e mi që kanë vëzhuar zgjedhjet i konsideruan zgjedhjet legjitime. Unë nuk mendoj se rastet e izoluara kanë ndikim në rezultatet e zgjedhjeve. Megjithatë tani për tani mendoj se duhet të vazhdojmë me këtë parlament”, u shpreh Kelam në konferencën përmbyllëse të vizitës së delegacionit të PE-së në Tiranë.





Lajmet e fundit nga