web counter
LEXO PA REKLAMA!

SHKARKO APP

App Store
Google Play

E fundit!

x

Ndërkombëtarët humbasin durimin/ “Kryqëzojnë” Monika Kryemadhin?

28 Shkurt 2019, 08:55, Aktualitet CNA

Ndërkombëtarët këmbëngulin se vendi i opozitës është në Kuvend. vendimi për djegien e mandateve është drastik, dhe pengon çeljen e negociatave, mbi të gjitha kur i bashkohen edhe protestat e dhunshme që opozita ka mbajtur kundër qeverisë.

Gjatë takimit me kryeparlamentarin Gramoz Ruçi pa praninë e mediave, sipas një njoftimi nga Kuvendi, delegacioni i Parlamentit Evropian, thotë se opozita duhet ta shfrytëzojë mundësinë për tu rikthyer në parlament, madje sipas tyre duhet të ndodhë sa më shpejt.-shkruan Shqiptarja.com.

Ndërkombëtarët thonë se kauza e opozitës për zgjedhje të vjedhura nuk qëndron, pasi siç ata shprehen, “i kanë monitoruar vetë zgjedhjet, dhe ishin korrekte”.

Raportuesi për Shqipërinë në PE, Knut Fleckenstein ndalet edhe në emra konkretë, kur thotë se Monika Kryemadhi, kryetarja e LSI-së, nuk duhet të pengojë negociatat.

“Zonja e Parë”, – shprehet ai, duke ju referuar faktit që Kryemadhi është bashkëshorte e presidentit Ilir Meta, emërtim që ajo gjithmonë ka refuzuar ta pranojë.

“Po humbas durimin nga qëndrimi i deputetëve të opozitës. Protestat të ruajnë qetësinë. Pamjet e protestave vonojnë integrimin”, u shpreh ai.

Edhe kryesuesi i delegacionit të PE-së, pret sinjale pozitive, që palët të jenë ulur në bisedime për të zgjidhur krizën. “Arrini konsensus dhe na dërgoni një sinjal pozitiv për negociatat”, theksoi  Tunne Kelam.





Lajmet e fundit nga