web counter
LEXO PA REKLAMA!

SHKARKO APP

App Store
Google Play

E fundit!

x

Dështon Kryemadhi/ Drejtuesit e LSI-së bojkotojnë takimin në Durrës

28 Shkurt 2019, 09:06, Aktualitet CNA

Kryetarja e LSI-së, Monika Kryemadhi ka zhvilluar sot një takim me strukturat e kësaj partie në qytetin e Durrësit.

Por, takimi ?blic? i Kryemadhit në Durrës u bojkotua nga të gjithë drejtuesit e kësaj partie, që njihen si pjesë e grupit të kryetarit vendor Lefter Koka.

Sipas DurrësiLajm, vendimi i Kokës për të mbajtur mandatin e deputetit, duke qenë i vetmi nga deputetët e LSI-së që nuk iu bind vendimit të grupit ka shkaktuar edhe çarjen e madhe në degën e Durrësit, një nga më të rëndësishmet e kësaj force politike, pasi që nga viti 2009, Koka ka mundur të sigurojë një mandat deputeti, duke e çuar madje në dy mandate në zgjedhjet e 2017.

Krisja e parë e LSI Durrës u shfaq menjëherë pas zgjedhjeve, atëherë kur kandidati i tretë në listë, Flamur Gjuzi, bojkotoi festën e fitores. Gjuzi nuk pranoi mandatin e Nora Malajt, e dyta në listë, pasi ai vetë dha një kontribut të madh për sigurimin e votave për LSI, sidomos në bastionin e tij, në Rrashbull.

Por nëse në atë kohë gjithçka u mbyll me Kokën e Malajn që shkuan në Kuvend dhe Gjuzin që u zhgënjye nga mbetja jashtë listës fituese, mosdorëzimi i mandatit të Kokës, njëkohësisht kryetari dhe ndër themeluesit e degës së Durrësit ?plasi bombën? brenda selisë lokale.

Pa Kokën, Kryemadhi e ka të pamundur të kontrollojë degën e Durrësit, pasi ai është dora e hekurt dhe shumica e atyre që aderojnë në LSI janë njerëz të afruar prej tij.

Kryemadhi kërkoi sot nga strukturat që të jenë masivisht prezentë në çdo lagje, komunitet dhe derë më derë të të gjithë Durrësit. Por kush do ta bëjë këtë nga LSI Durrës, kur kryetari Koka refuzoi t?i bindej vendimit të lideres së partisë dhe krerët e Forumit Rinor dhe LGI Durrës janë njerëz pranë tij, që mbështesin vendimin e deputetit dhe jo kryetares Kryemadhi.





Lajmet e fundit nga