E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Shqipëria si Kolumbia/ Basha: Derën integrimit ia ka mbyllur korrupsioni

28 Shkurt 2019, 14:30, Aktualitet CNA

Kryetari i Partisë Demokratike, Lulzim Basha pas takimit në Shkodër, ka shkruar se derën integrimit ia ka mbyllur korrupsioni dhe krimi i lidhur me këtë Qeveri hajdute.

Në një postim në rrjetet sociale, Basha i ka bërë thirrje popullit shkodran që ta shporrin këtë sistem.

?Udhëtimi ynë drejt Europës, po mbush gati 3 dekada. Ju shkodranët jeni të parët që e nisët rrugën për ta bërë realitet këtë ëndërr shekullore për cdo shqiptar në vitin 1990.

Ne të gjithë e dimë se ky rrugëtim ka qenë i dhimbshëm dhe se ai kalon përmes sakrificash të mëdha! Por po ashtu ne jemi te bindur se vetëm ky udhëtim është shpëtimi ynë, është çlirimi nga e keqja që i ka zënë frymën shoqërisë, është rruga e sigurtë drejt mirëqënies për njerëzit!

Sakrifica jonë bëhet që ti kthejmë vlerat europiane për shqiptarët, që të hapim rrugën e integrimit drejt Europës. Sepse në Europë nuk shkohet me gënjeshtra! Në Europë shkohet kur e ndajmë të mirën nga e keqja, në Europë shkohet me vlera.

Derën e integrimit e ka mbyllur korrupsioni dhe krimi i lidhur me këtë qeveri hajdute!?,- ka shkruar Basha.

Më tej Basha është shprehur se, deri sa të filloj ndëshkimi për hajdutët, nuk mund të ketë normalitet dhe nuk mund të ketë të ardhme për shqiptarët.

?Të gjithë brenda vendit e dinë këtë! Dhe të gjithë jashtë vendit po e dëgjojnë këtë!

Shqipëria si Kolumbia është pengesë për integrimin.
Krimi i lidhur me pushtetin është pengesë për integrimin.
Vjedhja marramendëse e lekëve të shqiptarëve është pengesë për integrimin.
Pandëshkueshmëria është pengesë për integrimin.
Vjedhja e votave me krimin e organizuar është pengesë për integrimin!

Beteja jonë është për një Shqipëri si gjithë Europa. Dhe në Europë, kur qeveria kapet duke vjedhur, ikën qeveria, nuk ndëshkohet populli.

Derisa të fillojë ndëshkimi për hajdutët e votave dhe të parave te shqiptarëve, nuk mund të ketë normalitet, nuk mund të ketë integrim, dhe nuk mund të ketë të ardhme europiane për shqiptarët!?- ka shkruar Lulzim Basha./CNA.al