web counter
LEXO PA REKLAMA!

SHKARKO APP

App Store
Google Play

E fundit!

x

PD pa nënkryetarë dhe pa rroga

28 Shkurt 2019, 13:39, Aktualitet CNA

Partia Demokratike dhe më pas e gjithë Opozita, morën vendimin për djegien e mandateve.

Propozimi për djegien e mandateve erdhi nga kreu i PD -së, Lulzim Basha që me 17 shkurt 2019, për të vijuar më tej me zyrtarizimin ditët e fundit.

Por, vendimi për djegien e mandateve, ka prodhuar pasojat e tij.

Pasoja e parë është se  PD zyrtarisht ka mbetur pa nënkryetarë, pasi dy nënkryetarët Edmond Spaho edhe Edi Paloka janë zgjedhur në atë post, për shkak të detyrave që mbanin.

Edmond Spaho ishte kryetar i Grupit Parlamentar të PD, ndërsa Edi Paloka ishte nënkryetar i Kuvendit, të  dy  pozicionet  i kanë humbur pas dorëheqjeve dhe efektit politik.

Në këto rrethana, PD duhet të mbledhë strukturat ose  të ndryshojë statutin ose të zgjedhë dy nënkryetarë të tjerë apo t’i mbajë edhe këta në detyrë, por duke korigjuar statutin.

Së dyti, nga sot pas  djegies së mandateve fillon një efekt tjetër në  Partinë Demokratike.

Një efekti i ri, i prodhuar nga vendimi për djegien e  mandateve, bie stafin e saj.

Këshilltarët e Grupit  Parlamentar, sekretari  i Grupit Parlamentar dhe gjithë të tjerët si ata të Partisë Republikane, Partisë Demokratike dhe LSI -së, nga java e ardhshme do të mbeten pa rroga, pra do të mbeten pa punë.

Kjo për shkak  të djegies së mandateve.

Sepse, me djegien e mandateve dhe me mos paraqitjen e Grupit Parlamentar  humbet  të drejtën për të marrë paga dhe stafi. Pra, mesa duket  djegia e mandateve nuk është thjesht vetëm një akt politik, dhe një dosje që Lulzim Basha e çoi dhe tundi para Kuvendit, por tani ka  filluar të japë dhe pasoja për shumë persona të lidhur me PD.

Në rast se deputetët  nuk e lidhnin jetën e tyre me rrogën që merrnin në Parlament, shumë te tjerë  pjesë e stafit të PD që jetojnë me atë pagë, tani  as atë nuk do ta kenë më për shkak të djegies së mandateve me  urdhërin e Lulit./CNA.al

 

 

 

 

 





Lajmet e fundit nga