web counter
LEXO PA REKLAMA!

SHKARKO APP

App Store
Google Play

E fundit!

x

Ambasadat kundër PD-së dhe mesazhet e Spahos

17 Shkurt 2019, 13:49, Aktualitet CNA

Opozita e kryesuar nga Lulzim Basha dhe Monika Kryemadhi, dje zhvilloi një protestë përpara Kryeministrisë, pas kërkesës së përsëritur për doreheqjen e Edi Ramës, ose në të kundërt do e tërhiqnin zvarrë.

Nuk ndodhi as njëra dhe as tjetra, thjesht PD, dje pati kundërshtarë të hapur Ambasadat e vendeve perëndimore, të cilat ishin edhe me të ashprat.

Pas këtyre qëndrimeve pati edhe disa reagime nga politikanë, analistë, por edhe drejtues të lartë të PD, të cilët kundërshtonin qëndrimet e ambasadave dhe flisnin si sovranistë të mëdhenj. Janë po ata që paraqesin forcën e raportojnë në ambasada dhe kolegët e tyre pa folur për kundërshtarët.

Deklarata e Edmond Spahos ishte dhe më e forta ky i drejtohej ambasadës franceze.

Spaho shkonte deri në atë pikë sa  hiqte parale mes protestave në Francë dhe asaj të djeshmes në Shqipëri.

?Po në Francë përse kanë katër muaj që dëmtojnë pronën publike? A nuk ishte dhuna e protestuesve që detyroi Macronin të mos rrisë çmimin e karburantit si dhe të rrisë pagën minimale? Sa veta janë vrarë në protestat në Paris? Shqiptarët po protestojnë për shoqëri demokratike, zgjedhje të lira e të ndershme, parime të lindura nga revolucioni francez?,-deklaronte Spaho.

Po si mund të kërkosh një vijë paralele midis protestave ekonomike në Paris dhe betejave të Lulit dhe Monës në Shqipëri. Pa folur për Francën e Shqipërinë në veçanti.

Franca ka në dorë rrugën e integrimit të Shqipërisë në BE, ndërsa ne nga Franca lutemi e kërkojmë të na hapë rrugën, na del përpra dhe Mondi e ca palaço të tjerë që i kthejnë përgjigje e bëjnë rolin e të fortit. Fiks ajo thënia popullore “të dhjerë por krenarë”.

Pa krahasuar, më tej aspak, jelekverdhët me turmën e demokratëve të udhëhequr nga disa provokatorë të dhunshëm, siç i quajti Lulzim Basha, që i mohoi gjatë protestës, por ju doli në mbrojtje  në mbrëmje, kur Flamuri dhe Çuni Fahriut sulmonin Drejtorinë e Policisë.

Në finale PD tani ka kundër edhe shumë ambasada, por ka  Mondin që flet sy shqiponjë si të ishte kryetari i Opozitës Italiane apo Gjermane. Në fakt është nënkryetari i emëruar i Lulit që dje tradhëtoi protestuesit për të disatën herë, por Mondin kurrë./CNA.al





Lajmet e fundit nga