web counter
LEXO PA REKLAMA!

SHKARKO APP

App Store
Google Play

Dhunë në protestë/ Rudina Hajdari "dush të ftohtë" Bashës

17 Shkurt 2019, 13:08, Aktualitet CNA

Deputetja Rudina Hajdari është shprehur kundër dhunës që degjeneroi në protestën e djeshme të Opozitës.

Indirekt Hajdari i ka dhënë një “shuplakë” kreut të PD -së Lulzim Basha.

Me anë të një postimi në rrjetet sociale, Hajdari ka thënë se një  protestë e sukseshme nuk duhet të ketë dhunë në asnjë rast.

“Qytetarët e Shqipërisë kanë shumë të drejtë dhe arsye të protestojnë kundër keq-qeverisjes, kriminalitetit, abuzimit shtetëror, autoritarizmit, papunësisë, padrejtësisë, diskriminimit, mos-zhvillimit .. etj.

Por mënyra sesi ne protestojmë dhe qëndrimet që ne mbajmë janë tepër të rëndësishme. Çdo akt dhune i ndërmarrë është i papranueshëm dhe jo-legjitim”, ka shkruar Hajdari.

Sipas saj, heronj janë ata që distancohen nga dhuna dhe që përfaqësojë me dinjitet qytetarët, pjesa më e madhe e të cilëve janë kundër dhunës.

“Dhuna nuk e forcon kauzën tonë të drejtë, përkundrazi ajo e dobëson atë dhe madje rrezikon misionin dhe objektivat opozitare e demokratike.

Sikurse studentët, edhe ne rast provokimesh, duhet të tregojmë lidership dhe të menaxhojmë me integritet, të bashkuar, të vendosur dhe paqësorë derisa copëzat e fundit të një qeverie të rënë të shkërmoqen deri në fund për të hapur rrugë një modeli evropian qeverisje”, ka shkruar më tej Hajdari./CNA.al





Lajmet e fundit nga