web counter
LEXO PA REKLAMA!

SHKARKO APP

E fundit!

x

Protesta/ LSI sulmon ambasadorët

17 Shkurt 2019, 11:43, Aktualitet CNA

Një ditë pas protestës së Opozitës kreu i grupit parlamentar të LSI-së Petrit Vasili, ka sulmuar ambasadorët.

Në mënyrë unanime krerët e trupave diplomatike te akredituara në Tiranës, një ditë më parë bënë thirrje për vetpërmbajtje dhe dialog.

Por, sipas Vasilit dje Qeveria provokoi me gaz helmues luftarak, ndërkohë sot ambasadorët heshtin.

“Qeveria me gaz helmues luftarak kundër qytetarëve, pse heshtin ambasadorët? Dje Qeveria provokoi me gaz helmues luftarak qytetarët protestues. Gazi helmues luftarak përdoret kundër armiqve dhe jo masivisht kundër qytetarëve siç bëri Qeveria dje.

Pasojat kohëgjata mbi shëndetin e njerëzve deri edhe në vdekje janë provuar shkencërisht.  Pse heshtin ambasadorët përpara një provokimi kriminal të Qeverisë, që trajton qytetarët si armiq?”, ka shkruar Vasili në rrjetet sociale.

Më tej ai ka pyetur se çfarë i pengon ata që të distancohen prerë nga një sjellje kriminale e një Qeverie në minorancë?

“Pse mbyllin sytë ambasadorët përpara mijëra qytetarëve, gazetarëve, policëve, të moshuarve e të rinjve, që nxjerrin shkumë nga goja nga gazi helmues i Qeverisë?”, ka shkruar më tej Vasili.

Ky i fundit preferron të iluminojë ndërkombëtarët, ndaj reagimin e tij e ka shoqëruar me një artikull shkencor./CNA.al

 





Lajmet e fundit nga