web counter
LEXO PA REKLAMA!

SHKARKO APP

App Store
Google Play

E fundit!

x

Kërkoi "kokat" e dhjetë prokurorëve/  Skandalet "mbysin" Arta Markun

17 Shkurt 2019, 10:13, Aktualitet CNA

Kryeprokurorja e Përgjithshme e Përkohshme Arta Marku, në muajin shtator 2018 urdhëroi hetim disiplinorë për 10 prokurorë të Krimeve të Rënda.
Sipas saj, prokurorët në fjalë kishin refuzuar hedhjen e shortit në procedimin penal, në gjykim, në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Blerim Shullazi.
Prokurorët, “kokat” e të cilëve kërkonte Marku, sigurisht me rekomandim të mikeshës së saj Donika Prela, janë: Olsian Çela, Përparim Kulluri, Behar Dibra, Sonila Muhametaj, Arenc Çela, Edvin Kondili, Pranvera Pustina, Eugen Beçi, Blerim Tominaj dhe Besim Hajdarmataj.

“Prokurori i Përgjithshëm znj. Arta Marku duke marrë shkas nga ngjarja e fundit e datës 19 shtator 2018 në Prokurorinë pranë Gjykatës së Shkallës së Parë për Krime të Rënda, Tiranë, mbi refuzimin nga ana e prokurorëve për hedhjen e shortit në procedimin penal në gjykim në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Blerim Shullazi, për kryerjen e veprave penale parashikuar nga nenet 109/b; 333/a; 334 etj.të Kodit Penal urdhëroi fillimin e hetimit disiplinor ndaj prokurorëve:, thuhej në njoftimin e Prokurorisë për mediat.

Se kjo kërkesë për hetim disiplinor ishte një skandal nuk do shumë llogari. Skandalet në prokurori prej kohësh po pasojnë njëri-tjetrin.
Skandalin e nisi drejtuesja e komanduar e Krimeve të Rënda, dhe e vijoi më tej Marku me procedimin disiplinor.

Në atë kohë, kur Marku “nxori” dhëmbët dhjetë prokurorët reaguan dhe i treguan se po shkel rëndë ligjin.
“Prokurori i Përgjithshëm nuk ka kompetenca për të nisur procedim disiplinor deri në krijimin e organeve të reja (Këshilli i Lartë i Prokurorisë), ndërkohë që vendimi i Gj. Kushtetuese nr. 34, date 10.04.2017, ka shfuqizuar nenet 101 e vijues të Ligjit nr. 96/2016 ?Për statusin e gjyqtarëve dhe prokurorëve në Republikën e Shqipërisë?,thuhej në një letër të hapur të përpiluar nga dhjetë prokurorët që u etiketuan si “rebelë”.

Por kur kanë kaluar rreth 5 muaj, kjo çështje ka heshtur CNA.al, iu drejtua kryeprokurores së përkohshme Arta Marku, për të mësuar se çfarë ka ndodhur me procedimet që ajo kishte urdhëruar, por ajo nuk është përgjigjur.Ashtu siç ka shkelur ligjin me prokurorët, njësoj e shkel dhe me media, duke iu mohuar të drejtën për informim. Tashmë ekziston vërtet KLP, por kjo e fundit, nuk mund të bëhet ‘vegël” e Arta Markut dhe të veprojë sipas urdhrave të saj. Megjithëse edhe KLP, është bërë pjesë e skandaleve, dhe fillimisht të pastrojë veten, për t’u marrë më pas me prokurorët./CNA.al





Lajmet e fundit nga