web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e fortë e Ndokës/ Rama është goditur rëndë, gati të rrëzohet

17 Shkurt 2019, 08:03, Aktualitet CNA

Pas protestës pesë orëshe të Opozitës së Bashkuar nuk kanë munguar reagimet nga të dyja kampet politike.

Kreu i Partisë Demokristiane Nard Ndoka, thotë se qytetarët arritën ta rrëzojnë Ramën moralisht dhe politikisht.

Ndërsa largimi ligjërisht sipas Ndokës, është detyrë e Opozitës.

“Qytetarët e rrëzuan Ramën, moralisht e politikisht, është detyrë e Opozitës ta largojë ligjerisht, nesër”, shkruan Ndoka.

Sipas të njëjtit, protesta  e goditi Ramën në kokë, në trup, në gojë edhe aty ku nuk thuhet.

‘Kush mendon, se Qeveria rrëzohet vetëm me një protestë gabon. Qeveria është e rrënuar, por jo e rrëzuar. Rama është i gjunjëzuar, por jo i dorëzuar”, shkruan më tej ai.

Ndërkaq, Ndoka  shuan zërat se kjo situatë, pas kësaj proteste mund të zgjidhet nëpërmjet dialogut.

“Nuk ka konsensus, nuk ka dialog, nuk ka zgjedhje me Ramën kryeministër. Ky është vendimi i Opozitës së Bashkuar! Rama nuk është më kryeministri i shqiptarëve, as i ligjshëm, as i moralshëm, as i besueshëm, por vetëm një dordolec që çdo ditë rrokulliset në humnerë.

Opozita sëbashku me qytetarët do ta shtyjnë, që rrëzimi të jetë sa më i shpejtë dhe pa kosto për vendin”, ka shkruar Ndoka./CNA.al





Lajmet e fundit nga