E fundit!

09:42 Aktualitet

Masat për sezonin veror/ Lamallari: Siguri më e lartë në destinacionet turistike

U prezantuan sot masat e marra nga Policia e Shtetit për g...

Si u lirua nga burgu vrasësi i të "fortit" të Tiranës/ Zbardhet vendimi

17 Shkurt 2019, 07:17, Aktualitet CNA

Gjykata e Korçës ka liruar me kusht Gerd Gjeneralin, të dënuarin me burgim të përjetshëm për vrasjen e ?të fortit? të Tiranës, Naim Zyberin.

Vendimi mban firmën e e gjyqtarit Markelian Kuqo. Sipas për të liruar me kusht Gjeneralin janë marrë parasysh disa komponentë.

“Është rehabilituar plotësisht, ka sjellje shembullore dhe ka normalizuar marrëdhëniet me trashëgimtarët e viktimës”, thuhet në vendim.

Sipas gjyqtaritt, gjatë kohës së vuajtjes së dënimit, ky i dënuar ka shprehur në mënyrë të qartë rehabilitimin dhe ka arritur riintegrimin e tij.

Raporti i vlerësimit të të dënuarit, i përpiluar nga Zyra Vendore e Shërbimit të Provës Korçë, i testuar nga Gjykata për çdo konkluzion të tij, në mënyrë të thelluar, relaton për të dënuarin se perspektiva e riintegrimit të tij në shoqëri është e mundshme.

?Gjykata, pasi analizoi provat e administruara në seancën gjyqësore në kuadër të shqyrtimit gjyqësor të çështjes, në raport me pretendimet përkatëse të subjekteve procedurale në proces gjyqësor dhe i ballafaqoi ato me ligjin, shpall vendim ?Në emër të Republikës?, duke vendosur: 1. Pranimin e kërkesës së të dënuarit Gerd Stefan Gjinarari (Gjenerali), 45 vjeç, me objekt ?Lirimin me kusht?.

2. Lirimin me kusht të të dënuarit Gerd Gjinarari për pjesën e mbetur pa vuajtur të dënimit me burgim të përjetshëm, të caktuar në mbështetje të vendimit nr.14, datë 10.03.2014 të Gjykatës së Rrethit Gjyqësor Tiranë, duke u vendosur provë kërkuesi për gjithë jetën. 3. Urdhërohet i dënuari Gerd Gjinerari, që gjatë kohës së provës të raportojë rregullisht para Shërbimit të Provës, Zyra Vendore Tiranë, sipas rregullave që do të iniciohen për këtë qëllim procesi nga ky shërbim ligjor, si dhe të marrë në çdo rast lejen e këtij Shërbimi për lëvizjet e shpeshta brenda ose jashtë vendit, së bashku me detyrimin për të informuar Shërbimin e Provës për çdo ndryshim të mundshëm të vendit të banimit apo vendqëndrimit, që duhet të realizohet vetëm mbi lejimin e këtij shërbimi.

4. Urdhërohet lirimi i menjëhershëm i të dënuarit Gerd Gjinarari nga IEVP Drenovë, Korçë, vetëm nëse ndaj këtij shtetasi nuk ekzistojnë arsyet ligjore, që nuk mundësojnë ekzekutimin e këtij urdhri. 5. I liruari me kusht detyrohet që gjatë kohës së provës të mos shoqërohet me persona të dënuar dhe/ ose bashkëpunëtorë të veprave penale për të cilat është dënuar. 6. I liruari me kusht detyrohet që gjatë kohës së provës të mos zotërojë, mbajë apo përdorë armë të çdo lloji?, thuhet në vendimin e zbardhur nga Panorama.