web counter
LEXO PA REKLAMA!

SHKARKO APP

App Store
Google Play

E fundit!

x

Debati për marrëveshjen finale/ Thaçi dhe Vuçiç përballen në Mynih

16 Shkurt 2019, 20:00, Aktualitet CNA

Presidenti i Kosovës, Hashim Thaçi, dhe ai i Serbisë, Aleksandër Vuçiç, janë përballur ballazi në qytetin gjerman të Mynihut, në kuadër të vijimit të dialogut ndërmjet Kosovës dhe Serbisë për arritjen e një marrëveshjeje finale.

Sikurse njoftojnë mediat gjermane dhe ato ndërkombëtare, takimi debatues midis tyre është organizuar nga ish-ambasadori gjerman, Wolgang Ichinger. Në debatin midis dy presidentëve “shemra” ka qenë i pranishëm edhe eurokomsioneri Johanes Hahn.

Vuçiç ka qenë këmbëngulës në idenë se Serbia është e përkushtuar për vazhdimin e dialogut dhe për këtë është i gatshëm të rrezikojë edhe karrierën e tij politike.

?Do të bëjmë gjithçka për të arritur një zgjidhje kompromisi. Nuk do të jetë një marrëveshje për kapitullimin e njërës palë, Serbisë. Ky dialog është për ne, nuk është as për BE-në, as për SHBA-të. Këtë ia kam thënë Thaçit disa herë. Nëse do të punojmë fortë , nuk e mohoj mundësinë e arritjes së marrëveshjes, por sot mund të them se jemi shumë larg marrëveshjes?,- ka thënë Vuçiç, raporton “Express”.

Ndërkohë presidenti i Kosovës, Hashim Thaçi, ka thënë se problemi, ndërmjet Kosovës dhe Serbisë, është shumë më i komplikuar sesa çështja ndërmjet Maqedonisë dhe Greqisë, për shkak të së kaluarës dhe luftës së vitit 1999.

Thaçi i ka përmendur Vuçiçit luftën që Serbia ka bërë për mosanëtarësimin e Kosovës në INTERPOL dhe UNESCO, që sjellë si pasojë vendosjen e taksës 100% ndaj produkteve serbe. Presidenti i Kosovës ka thënë se janë dukë bërë përpjekje për arritjen e një marrëveshje që si rezultat përfundimtar të ketë njohjen e pavarësisë së Kosovës nga Serbia.

Por vazhdimi i dialogut sipas presidenti duhet të vazhdojë pa kushte, sepse nëse do të ishte ashtu, atëherë Kosova do të kishte 1001 arsye për të vendosur kushte për Serbinë.

?Jam i impresionuar me marrëveshjen e Maqedonisë dhe Greqisë, dhe tani mendoj se kemi edhe një problem tjetër në Ballkanin Perëndimor. Mendoj se çështja ndërmjet Kosovës dhe Serbisë, është shumë më e komplikuar se sa ajo ndërmjet Maqedonisë dhe Greqisë… Jemi në një situatë të status-quos. Jemi duke bërë përpjekje për arritjen e një marrëveshje, e cila do të ketë rezultat njohjen e  pavarësisë dhe integrimin e Kosovës në OKB. Ajo çfarë ndodhi në UNESCO dhe INTERPOL, u pasua nga tarifa. Dialogu duhet të vazhdojë pa ndonjë kushtëzim. Ne kemi 1001 kushte për të vendosur në dialog por nuk e bëjmë. Ka sfida ndërmjet nesh. Komuniteti serb nuk duhet të shfrytëzohet vetëm për qëllime politike. Në muajt që po vijnë, do të gjejmë një marrëveshje të mirë, që të do të ruaj multietnicitetin e Kosovës. Kjo marrëveshje do të ndihmojë paqen dhe stabilitetin e rajonit. Kosova është duke marrë të gjitha përgjegjësitë?,- ka thënë Thaçi, duke i kujtuar Vuçiçit dhe komunitetit ndërkombëtar se deri sot askush nuk është dënuar për krimet që serbët kanë kryer ndaj popullatës civile në Kosovë gjatë luftës së fundit./ CNA.al





Lajmet e fundit nga