web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Pse Luli kërkon marrëveshje të re me Ramën

17 Shkurt 2019, 13:30, Aktualitet CNA

Protesta e djeshme përtej paralajmërimeve dhe pritshmërive nuk ia arriti i qëllimit të saj.

Dikush e quajti dështim, dikush tradhëti të Lulzimit dhe Monikës, por në fakt, ajo ishte drita e parë në tunel për një marrëveshje të re Rama-Basha.

Ajo e djeshmja ishte e njëjta filozofi që Luli përdori edhe me çadrën 3 mujore përpara kryeministrisë, e cila në fund u kthye në qesharake.

Rama për ta shpëtuar i dha një marrëveshje Lulit dhe i premtoi bashkëqeverisje në Shtator, por Kryeministri morri 74 mandate i vetëm dhe PD pati një katastrofë politike. Jo vetëm për faktin, se Qeveria ka blerë e manipuluar vota, por edhe sepse në vend të betejës me Kryeministrin zgjodhi të luftonte LSI-në me Petrit Vasilin kryetar të përkohshëm dhe Metën si lider në fushatë.

Protesta e djeshme nuk pati asnjë ndryshim nga çadra por vetëm pritet marrëveshja. Në çadër u fol për tërheqje zvarrë, për rrëzim të Qeverisë, për ikje të Edi Ramës etj etj. Të njëjtat fjali qëndrime dhe kërcënime që u dëgjuan dy javët e fundit.

Në finale Luli mbylli protestën si çadrën dhe tha se do rikthehet të enjten po me të njëjtin skenar që dështoi dje.

Lulzim Basha po bën gjithçka për të pasur një marrëveshje të re me Edi Ramën. Tek e para mori 16 milionë eurot e vjehRrit që kishte ndërtuar një pallat në bregun e detit në Vlorë, këtë herë ndoshta do i ketë që të rregullojë balancat financiare të familjes.

Ky është edhe qëllimi final i Lulit kreut të PD, që e komandon kunati e familja dhe  që e ka zgjedhur dhe mbron Berisha./CNA.al





Lajmet e fundit nga