web counter
LEXO PA REKLAMA!

SHKARKO APP

App Store
Google Play

E fundit!

x

Ironia therëse e gazetarit/ Nuk rrëzohet Rama me telekomandë dhe me firmato

17 Shkurt 2019, 14:10, Aktualitet CNA

Gazetari, Denis Dyrnjaja, ka ironizuar kreun e Opozitës, Lulzim Basha, sipas të cilit kërkon të bëjë opozitë, pa iu prishur xheli i flokëve.

Dyrnjaja ka hequr paralele me liderin e Opozitës në Rusi dhe me Albin Kurtin në Kosovë.

“Aleksei Navalni është lideri i opozitës në Rusi. Kundërshtari më stoik i Presidentit Putin edhe aktualisht. Sa herë Navalny i thërret njerëzit në protestë ata i përgjigjen. I përgjigjen se ai është si ata, pra si njërëzit e thjeshtë, është në ballë të tyre dhe protestës së tyre, është idealist dhe qendrestar dhe këtë e ka “paguar”, jo me pasurim por me burgim nga regjimi i Putinit.

Ai është një lider politik karizmatik që nuk ka vila e pasuri siç kanë opozitarët këtu, që konkurrojnë për pasuri me biznesmenët kryesorë të vendit. Navalny jeton në një apartament të thjeshtë në Moskë”,- ka shkruar Dyrnjaja. Për ta bërë më konkrete ai është ndalur në Kosovë, tek Albin Kurti.

“Ndoshta ju duket larg lideri i opozitës në Rusi. Atëherë ja ku keni liderin e Opozitës në Kosovë. Albin Kurti nuk ka bërë kurrë opozitë me telekomandë, duke futur të tjerët në përballje por ka qenë vetë në krye të saj. Siç e dini ka përfunduar disa herë në burg dhe kjo nuk e ka ndalur, sepse ai beson te bindjet e veta dhe njërëzit e besojnë, se dikush që shkon në burg për idetë dhe idealet e tij nuk shkon për qejf”,- ka shkruar Dyrnjaja.+

Sipas tij, konkluzionet dalin vetë me opozitën në Shqipëri që kërkon të përmbysë Edi Ramën me telekomandë dhe pa iu prish xheli flokëve, veshjet firmato dhe, për më tepër, thjeshtë për të ndërruar qimen, jo zakonin.

“Duhet provë besimi, jo dëngla. Kur të jenë dhënë provat e besimit njerëzit dalin në sheshe kundër Ramës pa autobusë dhe pa mobilizime militanteske dhe debatikase”,- ka shkruar më tej Dyrnjaja./CNA.al





Lajmet e fundit nga