Prokurorja e luksit në sitën e Vettingut/ Irma Balli pronare karburanti

11 Shkurt 2019, 15:51, Aktualitet CNA

Gjyqtarët dhe prokurorët shqiptarë pa frikë mund ti radhisësh në rangun e biznesmenëve. Dhe jo biznesmenë dosido, por nga ata të mëdhenjtë që në kampet politike quhen oligarkë.

Në gjykata dhe prokurori kemi plot të tillë që kanë një pasuri përrallore, saqë të duket sikur nuk kanë punuar dhe jetuar në Shqipëri.

Po të shikosh pasuritë e deklaruar të gjyqtarëve dhe prokurorëve, bie poshtë poshtë teza e një Shqipërie të varfër. Nuk bëhet fjalë për orë të shtrenjta, bizhuteritë apo makinat e luksit. Pasuria e tyre shkon më tej që nga vilat deri tek hotelet e karburantet.

Pronare e një karburanti rezulton edhe prokurorja Ima Balli, e cila nesër do të ballafaqohet me Komisionin e Vettingut.

Balli rezulton pronare e pikës e karburantit në bulevardin ?Fan Noli?, të cilën ia ka dhënë me qira një kompanie private. Prokurorja në fjalë, nga të dhënat që ka deklaruar duklet se bën një jetë luksoze, madje vetëm për pushime vjetore, të paktën në vitin 2009 ajo ka shpenzuar 1 144 000 lekë. Ajo ka deklaruar se ka paguar mbi 20 mijë euro ndër vit për shkollimine djalit, të cilëin më pas e ka punësuar në Ministrinë e Zhvillimit Urban.

CNA.al po sjell pasurinë e deklaruar nga prokurorja Balli, sipas të dhënave të Open Spending Albania.

Pasuria e deklaruar nga viti 2003 -2016

Në vitin 2003 ajo ka deklaruar një pikë karburanti, dyqan, apartament banimi.

Në vitin 2004 ka deklaruar apartament banimi me vlerë 2 100 000 lekë, apartament banimi me vlerë 2 500 000 lekë, 100 000 hua nga prindërit e burrit, dhe 20 000 euro kredi.

Në vitin 2005 ka deklaruar kursime nga të ardhurat 2 118 000 lekë, të ardhura nga biznesi i bashkëshortit në shumën 800 000 lekë, të ardhura nga paga si prokurore, 1 718 971 lekë, të ardhura nga puna e bashkëshortit 1 800 000 lekë.

Në vitin 2006 ajo ka deklaruar se i është pakësuar pasuria nga blerja e një makine që ka kushtuar 1 200 000 lekë, shtuar pasuria nga kursimet vjetore në shumën 1 000 000 lekë. Të ardhura nga paga si prokurore në shumën 1 433 970 lekë, pagën e bashkëshortit në shumën 1 400 000 lekë, të ardhura nga biznesi i bashkëshortit në shumën 200 000 lekë.

Në vitin 2007 ka deklaruar shtimin e pasurisë në 200 000 lekë, kursime nga të ardhurat në shumën 1 200 000 lekë si dhe pagën e saj dhe të bashkëshortit.

Në vitin 2008 ka deklaruar llogari bankare në shumën 1 500 000 lekë, shtuar pasuria me 4 380 lekë, kursime cash 400 000 lekë, pagën e saj dhe të bashkëshortit si dhe të ardhura nga biznesi 200 000 lekë, si dhe pagesën për studimet e djalit në shumën 2700 euro.

Në vitin 2009 ka deklaruar se 700 000 lekë i ka dhënë për studimin e fëmijëve, kursime cash 2 000 000 lekë, shpenzime për pushime 1 144 000 lekë, pagat, të ardhura nga biznesi në shumën 200 000 lekë, interes bankar nga depozitat në shumën 103 000 lekë, pagën për studimet e djalit në shumën 4700 euro dhe për studimet e vajzës në shumën 40 000 lekë.

Në vitin 2010 ka deklaruar shpenzime jetese 2 000 000 lekë, kursime cash 150 0000 lekë, pagën si prokurore Apeli në shumën 2 001 856 lekë, pagën e bashkëshortit në shumën 2 400 000 lekë, të ardhura nga biznesi i bashkëshortit në shumën 200 000 lekë, ka paguar 4 500 euro për studimet e djalit, 70 000 lekë për studimet e vajzës

Në vitin 2011, shpenzime në shumën 135 0000 lekë, kursime cash 140 0000 lekë, pagën e saj në shumën 2 221 041 lekë, pagëne bashkëshortit 1 720 000 lekë, të ardhura nga qiraja e karburantit në shumën 702 000 lekë, pagesën për studimete djalit në shumën 4 500 eueo, për studimet e vajzës 70 000 lekë si dhe ka deklaruar se ka blerë një garazh që kushton 100 0000 lekë.

Në vitin 2012 ka deklaruar kursime cash në shumën 1 800 000 lekë, të ardhura nga puna si prokurore në shumën 2 135 380 lekë, të ardhura nga paga e bashkëshortit 1 230 800 lekë, të ardhura nga qiraja e karburantit, në shumën 944 400 lekë,të ardhura nga paga si anëtare e Këshillit të Prokurorisë në shumën 54 000 lekë, pagesë për studimet e djalit në shumën 4 500 euro dhe për studimet e vajzës 30 000 lekë.

Në vitin 2013 ajo ka deklaruar kursime cash,1 800 000 lekë, të ardhura nga paga si prokurore dhe anëtare në Këshillin e Prokurorisë në shumat 1 955 264 dhe 22 500 lekë, pagën e bashkëshortit 1 070 420 lekë, të ardhura nga qiraja e karburantit në shumën 769 600 lekë.

Në vitin 2014 ajo ka deklaruar kursime vjetore në shumën 1 500 000 lekë, depozitë kursimesh në shumën 3 000 000 lekë, të ardhurat nga pagat, të ardhurat nga kontrata e qirasë se karburantit në shumën 912 425 lekë, gjendje e mbetur në llogarinë rrjedhëse në shumën 384 615 77 lekë.

Në vitin 2015 ajo ka deklaruar kursime në shumën 170 0000 lekë, shtesë papafingon e karburantit, të ardhura nga paga si prokurore 162 0523 lekë, të ardhura si anëtare e Këshillit të Prokurorisë në shumën 46 750 lekë, të ardhura nga qiraja e karburantit 99 0000 lekë, të ardhura nga paga e bashkëshortit 1223967 lekë dhe të ardhurat nga interesat e Bankës në shumën 141157 lekë.

Në vitin 2016 ka deklaruar depozitë bankare në shumën 2 000 000 lekë, interesa bankare në shumën 211 224 lekë, gjendje e llogarisë rrjedhëse në shumën 515 lekë, të ardhura nga nga puna si prokurore dhe si anëtare e Këshillit të Prokurorisë në shumat 1 617 065 dhe 55 250 lekë, të ardhura nga qiraja e karburantit në shumën 830 000 lekë, të ardhurat nga paga e bashkëshortit si drejtor në një kompani sigurimesh në shumën 1 234 729 lekë dhe të ardhura nga paga e bashkëshortit si drejtor i një hoteli në shumën 287 837 lekë, të ardhura nga puna e djalit si arkitekt tek Ministria e Zhvillimit Urban 586 816 lekë, Gjithashtu ka deklaruar depozitë bankare në emër të bashkëshortit në shumën 1 500 000 lekë, interesa bankare në shumën 211 224 lekë, gjendje në llogarinë rrjedhëse në shumat 1 553 538 dhe 287 381 lekë./CNA.al