E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

Skandal/ Zbulohen abuzimet në tregun Agro-Ushqimor të Tiranës

11 Shkurt 2019, 15:39, Aktualitet CNA

Autoriteti i Konkurrencës ka zbuluar se kompania EKMA Albania SHPK, firma e cila prej pesë vitesh drejton të vetmin treg Agro-Ushqimor të Tiranës, ka abuzuar me tregtarët që operojnë në atë qendër.

Çmimi i qirasë që është vendosur në atë treg është shumë herë më i lartë seç është përcaktuar.

Më tej, OSHEE nga ana tjetër bën me dije se nga 13.2 lekë që është kilovati i energjisë elektrike, këta tregtarë kanë paguar 20.2 lekë raporton TCH.

Këto ishin arsyet pse në nëntor të vitit 2018 Autoriteti i Konkurrencës i vendosi kësaj kompanie një gjobë prej 43 milionë lekësh të vjetra.

Ky autoritet detyroi ndër të tjera firmën EKMA Albania SHPK që vendosë çmime të arsyeshme për qiratë.

?EKMA Albania SHPK? të aplikojë çmime të arsyeshme për ambinetet që jep me qira. Përballë një situate të tillë, ndërmarrja EKMA Albania i drejtohet Gjykatës Administrative të Shkallës së Parë Tiranë, ku kërkon shfuqëzimin e vendimit të Autoritetit të Konkurrencës ?Për vendosje gjobe dhe detyrime ndaj ndërmarrjes?.-thuhet në njoftimin e Autoritetit të Konkurrencës.

Më 27 dhjetor të vitit të kaluar gjyqtari Avni Sejdi hodhi poshtë kërkesën e kësaj kompanie dhe gjatë vendimit që mori citoi edhe hetimin e Autoritetit të Konkurrencës.

Dy javë më pas, më 10 janar të 2019 gjyqtari Sejdi ka nxjerrë një vendim të dytë në kundërshtim me të parin.

Ai vendosi që të pezullojë vendimin e Autoritetit të Konkurrencës.

?Dëmi që do t?i vinte shoqërisë Ekma Albania nga ekzekutimi i aktit administrativ është i rëndë dhe i pakthyeshëm. 43 milionë lekë të reja çmohen si një shumë e madhe për funksionin normal të një shoqërie në aktivitetin e saj tregtar?.-thuhet në vendimin e marrë nga gjyqtari Avni Sejdi.

Deri në prfundim të shqyrtimit të kësaj padie, EKMA Albania SHPK do vijoj me abuzimin e çmimeve ndaj tregtarëveqë operojnë në tregun e vetëm Agro-Ushqimor të Tiranës./CNA.al