web counter
LEXO PA REKLAMA!

SHKARKO APP

App Store
Google Play

Kosovë-Serbi/ Pandeli Majko: Marrëveshja do sjellë paqe

11 Shkurt 2019, 18:43, Aktualitet CNA

Ministri i Shtetit për Diasporën, Pandeli Majko, ka folur për problemet mes Kosovës dhe Serbisë, ku ndër të tjera ka nënvizuar faktin e nevojës për një marrëveshje midis dy shtetevë të sipërpërmendura për heqjen dorë nga obstruksionizmi.

Pandeli Majko u shpreh për radio, ?Zëri i Amerikës?, me obstruksionizëm nënkupton, mënyrën sesi shteti serb sillet karshi shtetit të Kosovës, duke u përpjekur në mënyrën më maksimale ta bllokojë atë në çdo rol ndërkombëtar apo akt ndërkombëtar që shteti i Kosovës ndërmerr.

?Obstruksionizmi ka të bëjë edhe me mënyrën se si ka reaguar Kosova, por ne duhet të ndajmë kush është aksioni dhe kush është reaksioni. Pra duhet të ndajmë që tarifa e Kosovës ndaj mallrave të Serbisë, obstruksionizëm është, një gjë që në kushtet teorike është krejtësisht e pavend. Por ne nuk duhet ta shikojmë si një aksion, por duhet ta shikojmë si një reaksion?, – është shprehur ministri i Shtetit për Diasporën.

Majko, u shpreh së kërkon marrëveshje mes dy shteteve, pasi kjo gjë do të do të sillte paqe mes dy vendeve.

?Për idenë e shkëmbimit të territoreve, idenë e korigjimit të kufijve, ide të çuditshme që kanë qarkulluar mbi dhe nën tavolinë, sinqerisht kam qënë i rezervuar. I rezervuar për një fakt shumë të thjeshtë: ky është një lloj autoriteti apo autorizimi që i takon elitës politike të Prishtinës?, – ka përfunduar Pandeli Majko. /CNA.al





Lajmet e fundit nga