web counter
LEXO PA REKLAMA!

SHKARKO APP

App Store
Google Play

E fundit!

x

 Studimi/ Miliarda lekë në xhepat e zyrtarëve të shkarkuar

11 Shkurt 2019, 17:43, Aktualitet CNA

Një studim mbi marrëdhëniet e punës, tregon se rreth 30% të ngarkesës në gjykatat administrative dhe 60% të çështjeve në Gjykatën e Lartë, në tre vitet e fundit, e zënë punësimet dhe shkarkimet nga puna. Të dhenat janë pjesë e raportit që Qendra e Studimeve INFOCIP ka publikuar ditën e sotme.

?Në 2018 Gjykata Administrative e Apelit dha gjithsej 4743 vendime, prej të cilave 1400, ose 29.5 %, kishin objekt marrdhëniet e punës. Në 2017 dha 5546 vendime, prej të cilave 1601 ose 30%, kishin si objekt marrëdhëniet e punës. Afro 77% e ankimuesve i kanë fituar çështjet e tyre gjyqësore për pushim të padrejtë nga puna,? – thotë studimi i INFOCIP-it, i sjellë nga VOA.

Sipas tij rezulton të jenë 10 mijë e 625 paga që shteti duhet të paguajë si dëmshpërblim për personat që fituan çështjet gjyqësore ndaj tij në 2018 në Apelin Administrativ. Janë 19003 paga të cilat duhen paguar si dëmshpërblim personave që fituan gjyqet në 2017.

Për rreth 30 mijë pagat që duhen dëmshpërblyer për dy vitet e fundit fatura që duhet paguar nga shteti është rreth 15 milion euro. Kjo shumë duhet ti bashkëngjitet rreth 22 milion eurove të dala nga buxheti i shtetit në vitin 2015 për të paguar për ekzekutimin e  vendimeve gjyqësore të viteve pararendëse.

Në 2018, vijon raporti, u paguan nga thesari i shtetit rreth 100 milion euro dëmshpërblime pagash për pushime të padrejta nga puna sipas rasteve të shpërndara në vite të ndryshme gjatë dekadës së fundit.

Ndërkohë në Apelin Administrativ akoma nuk kanë mbërritur çështjet e vitit 2017, i cili ishte një vit zgjedhor. Gjatë kohës së qeverisjes me ministra teknikë, u raportuan rreth 600 pushime nga puna përpara se zgjedhjet të ndodhnin.

Pas zgjedhjeve, lëvizjet në administratë vijuan përsëri. Bazuar në këto të dhëna, në vitin 2019 pritet serish te kemi një faturë të re që mund të shtojë me 5-7 milion euro barrën në buxhetin e shtetit, barrë të cilën duhet të paguajnë taksapaguesit shqiptarë…./CNA.al





Lajmet e fundit nga