web counter
LEXO PA REKLAMA!

SHKARKO APP

App Store
Google Play

Programi 5% për ekselentët/ Rama del zbuluar

7 Shkurt 2019, 13:55, Aktualitet CNA

Deputeti i Partisë Demokratike, Luçiano Boçi ka thënë sot se programi 5% për ekselentët, të cilin kryeministri Edi Rama e prezanton si një arritje, ka qenë edhe para viteve 1990.

Nga studio e rubrikës ?Opinion? në News 24, ai është ka folur për ndërhyrjen e policisë te Fakulteti i Historisë dhe i Filologjisë.

Boçi u shpreh se ministri i Brendshëm, Sandër Lleshaj ka përgjegjësi penale për dhunën që policia ka ushtruar në fakultete.

?Pra me tendencat që pati debati u provua se ministri i Brendshëm ka përgjegjësi penale dhe ligjore për atë që ka ndodhur. Ky ministër ende nuk ka vënë mend, pasi ato kërkesa nuk u morën në konsideratë, pasi sot policia ka mësyrë në Fakultetin Filologjik. Situata është krejtësisht e papranueshme, pasi studentët janë të territorin dhe të drejtën e tyre. Kërkesat e tyre janë legjitime. Unë mendoj se qëndresa e pedagogeve do vijojë.  Protestat dhe pakënaqësitë janë hapi parë për të hedhur poshtë ligjin e arsimit të lartë. ?-tha ai.

Deputeti i PD-së shtoi ndër të tjera, se programi që kreu i qeverisë është duke e paraqitur si një sukses të arritur së fundmi, në fakt ka qenë që përpara viteve 1990.

?Rama shmang zgjidhjen e kërkesave me ligj dhe paraqet VKM. Po të kishte Gjykatë Kushtetuese, VKM do rrëzoheshin. Programi 5% i ekselentëve ka qenë edhe para viteve 1990.  Është politikë e çdo qeverie për të mbështetur ekselentët të cilët nëse janë ekselentë mund të fitojnë edhe konkurset?-deklaroi Luçiano Boçi./CNA.al





Lajmet e fundit nga