web counter
LEXO PA REKLAMA!

SHKARKO APP

E fundit!

x

Bandat dhe krimi/ Salianji sfidon mazhorancën

7 Shkurt 2019, 13:35, Aktualitet CNA

Deputeti i Partisë Demokratike, Ervin Salianji ka thënë sot se vjedhja e votave e ka shkatërruar besimin e qytetarëve.

Nga foltorja e Kuvendit, ai pyeti qeverinë nëse mund të largohen nga bandat dhe krimi i shitblerjes së votës sot.

?Çdo shqetësim, çdo reagim i joni nuk është marrë si mundësi për reagim dhe nuk keni pasur asnjë reflektim, po sot? A mund të reagoni sot dhe të distancoheni nga bandat dhe nga kapja në krimin e shitblerjes së votës. A keni reagim sot kur jeni të rrethuar nga ndërkombëtarët si të kapur në vjedhje, Zëri i Amerikës, Transparency Internacional, The Indipendent e kudo nëpër Evropë flitet për drogën, korrupsionin dhe blerjen e standardeve demokratike në Shqipëri!?-tha Salianji.

Deputeti i PD-së, shtoi ndër të tjera se erozioni i demokracisë ka bërë që në vendin tonë sot të kemi një regjim hibrid.

?E drejta e votës, e drejta për të zgjedhur të lirë është themeli i demokracisë. Edhe demokracitë funksionale me institucione të forta kane krizë besimi imagjinoni një gjasme demokraci si kjo e jona!

Erozioni i demokracisë po ndodh me ritme të shpejta dhe sot jemi në një regjim hibrid, pa rregulla loje, pa meritokraci, pa demokraci!

Imagjino se çfarë besimi kane qytetarët tek institucionet me zgjedhje të vjedhura, me banda dhe me para të përdorura.?-deklaroi Ervin Salianji./CNA.al

 





Lajmet e fundit nga