web counter
LEXO PA REKLAMA!

SHKARKO APP

App Store
Google Play

E fundit!

x

Përdhunoi në grup/ Ervis Roshi "rikthehet" në Kuvend

7 Shkurt 2019, 11:39, Aktualitet CNA

Deputeti i Partisë Demokratike, Oerd Bylykbashi ka thënë sot se ish-Kryetari i Bashkisë së Kavajës, Ervis Roshi është model i një përdhunuesi.

Nga foltorja e Kuvendit, Bylykbashi u shpreh se ngjarja e tmerrshme që ndodhi në Kavajë, ku një 13-vjeçare u përdhunua nga 8 djemë, ka si shembull Roshin, i cili sipas tij është shembull i përdhunimit.

?Ish-Kryetarin e Bashkisë së Kavajës e kishit kriminel përdhunues në grup dhe ja çfarë ndodh sot.

Na u desh të ndërronim edhe ligjin për këta kriminelë që kishin mbushur sallat.

Ndryshuat edhe termin dekriminalizim, që të mos nxirrnit kriminelët nga Kuvendi.?-u shpreh ai.

Më tej, deputeti i PD-së shtoi edhe se vjedhja e votave dhe kanabizimi i vendit ka ardhur duke u rënduar gjithmonë e më shumë nën qeverisjen e Edi Ramës.

?Në 2014 u tha se po mbushin Shqipërinë me kanabis sot jemi në 2019 dhe e di e gjithë bota që Shqipëria është Kolumbia për sa i përket kanabisit.

2015 u thamë se keni vjedhur zgjedhjet, duke i blerë ato, duke përdorur bandat kriminelët dhe të njëjtën gjë bëtë në 2017.

Cënohet sekreti dhe liria e votës sepse kriminelët rrinë te qendrat e votimit. Zgjedhje, llogaridhënie dhe rrotacion politik, asnjë nga këto nuk ekziston sot.

1.4 milionë karta identiteti, jeni gati të hapni tregun e kartave që nuk kanë asnjë vlerë.?-deklaroi Oerd Bylykbashi./CNA.al





Lajmet e fundit nga