web counter
LEXO PA REKLAMA!

SHKARKO APP

App Store
Google Play

E fundit!

x

Përdhunimi i 13-vjeçares/ Zbardhet dosja e gjykatës

7 Shkurt 2019, 12:41, Aktualitet CNA

Është zbardhur dosja e Gjykatës së Durrësit që vendosi masën e arrestit me burg për 7 djemtë që abuzuan me 13-vjeçaren, nxënës të shkollës ?Rilindja? në Kavajë.

Në këtë dosje thuhet se vajza u afrua me nj ë shok klase përmes Instagramit, në fillim të vitit shkollor 2018 raporton BW.

Aty thuhet se e mitura ka filluar të komunikojë me djalin  për një ese dhe më tej ata janë afruar më shumë me njëri-tjetrin.

Në ditën e ditëlindjes së tij në muajin tetor, djali i ka kërkuar të miturës marrëdhënie seksuale dhe ky moment është filmuar nga një shok i tij 14-vjeçar.

Djemtë i kanë bërë shantazh të vazhdueshëm me këtë video 13-vjeçares dhe e kanë detyruar që të kryente marrëdhënie seksuale me ta ose përndryshe do ta përhapnin videon dhe do ja tregonin prindërve e mësuese së saj.

Më tej në dosjen e gjykatës thuhet se 14-vjeçari u ka marrë para djemve të tjerë dhe me to ka blerë lojëra elektronike.

Nga muaji tetor deri në janar, vajza ka kryer marrëdhënie e detyruar nga shantazhi që tetë djemtë i bënin.

Ngjarja është mësuar së pari nga pastruesja e shkollës, e cila ka gjetur në telefonin e djalit të saj, shok banke me 13-vjeçaren një mesazh që ia kishte dërguar djali që kishte bërë videon, që i kërkonte ndonjë vend ku mund të kryente marrëdhënie me të miturën pas mësimit.

?Të premten e javës përpara se të bënte kallëzimin penal ( 25.01.2019 ) mësuesja kujdestare, shtetasja M.B, e ka pyetur se çfarë marrëdhënie kishte ajo me A dhe pasi e mitura ia ka treguar të gjitha mësuesja kujdestare ka njoftuar nënën e të miturës dhe ia ka treguar të gjitha në prani të drejtoreshës dhe psikologes së shkollës. Po kështu të dielën në drekë e ka marrë në telefon mësuesja kujdestare dhe pasi ka shkuar në shkollë me nënën e saj është takuar me mësuesen kujdestare, psikologen e shkollës, drejtoreshën e shkollës dhe drejtoreshën e arsimit. E mitura ka deklaruar gjithashtu se për shkak të kësaj ngjarje ka tentuar të bëjë edhe vetëvrasje?-shkruhet në dosje.

Ndërsa, më tej bëhet me dije se kallëzimi në polici është bërë 5 ditë me vonesë. Mësuesja ka thërritur prindërit e vajzës dy ditë pasi është vënë në dijeni për ngjarjen dhe së bashku me nënën e saj kanë takuar psikologen drejtoreshën e  shkollës dhe drejtoreshën e arsimit.

Ndërsa më tej theksohet se edhe pse ato janë vënë në dijeni për rastin, denoncimi është kryer më vonë.

Denoncimi në Komisariatin e Policisë në Kavajë është kryer më 29 janar 2019./CNA.al





Lajmet e fundit nga