E fundit!

16:28 Aktualitet

"Kallashnikovi çau jelekun anti-plumb"/ Hita: Po kryhen procedurat që efektivi i vrarë të përfitojë statusin e dëshmorit

Drejtori i Përgjithshëm i Policisë së Shtetit, Skënder Hit...

Prodhuesi i vogël/ Panariti: Ekonomisë shqiptare po i hapet gropë

7 Shkurt 2019, 14:26, Aktualitet CNA

Ish-ministri i Bujqësisë në qeverinë Rama 1, Edmond Panariti ka thënë se ekonomia e vendit është duke u shkatërruar.

Në një postim në rrjetet sociale, deputeti i Lëvizjes Socialiste për Integrim shkruan se përndjekja e prodhuesve është shkatërrimtare.

?Është gropa e hapur e ekonomisë! Përndjekja dhe mos mbështetja e prodhuesve dhe përpunuesve të vegjël te ne, kinse për mos respektim të standardeve të higjienës së ushqimit, është kundërtendencë evropiane!

Por mbi të gjitha është fatale dhe shkatërrimtare për fermën dhe bujqësinë tonë.?-thotë ai.

Më tej, Panariti përmend si shembull modelin Gjerman, Francez dhe atë Italian dhe thotë se mbështetja e fermerit të vogël dhe të mesëm është ajo politikë që duhet të ndiqet edhe në vendin tonë.

?Gjermania, Franca, Italia etj, kanë në qendër të politikave agroushqimore prodhuesin dhe përpunuesin e vogël dhe të mesëm, si më cilësorin dhe më të sigurtin. Sepse është ky që prodhon, përpunon dhe tregton aty ku ka lindur dhe banon, sipas traditave dhe zakoneve shumë vjeçare.

Sepse prodhuesi i vogël përgjithësisht, nuk përdor as ngjyrues, as aromatizues, as konservues sintetike në ushqim. Nuk përdor as sulfamide as antibiotike, nuk përdor fara OMGJ?. Këto i përdorin industrialitet ushqimore si kozmetike dhe kamuflim të shijes ngjyrës dhe aromës së ushqimit. I përdorin pa kursim dhe shpesh jashtë normave! Prandaj BE gjurmon dhe zbulon pikërisht këto ndotës, ?moderne? të cilët i cilëson si vrasës të heshtur. Po ne? Ne nuk merremi fare me to! Ne nuk bëjmë monitorime dhe analiza sepse nuk financojmë kërkimin, shkencën dhe laboratorët! Prandaj jemi në mëshirë të fatit! Ndërkohë me zell dhe pasion u jemi qepur me policë barinjve, baxhoxhinjëve, kopshtarëve duke i dërmuar me gjoba dhe konfiskime. Ata janë armiku për tu asgjësuar! Dhe kështu i hapim gropën vetes dhe ekonomisë!?-shkruan Edmond Panariti./CNA.al