web counter
LEXO PA REKLAMA!

SHKARKO APP

E fundit!

x

Përdhunimi i të miturës/ Berisha plas “bombën”

7 Shkurt 2019, 09:50, Aktualitet CNA

Ish-kryeministri Sali Berisha nga foltorja e Kuvendit ka zbardhur të tjera detaje në lidhje me ngjarjen e rëndë në Kavajë, ku një 13-vjeçare u përdhunua në grup nga bashkëmoshatarët e saj.

Berisha tha se ngjarja e rëndë ka ndodhur në tetor, dhe për këtë janë informuar Ministria e Arsimit, Ministria e Brendshme dhe vetë kryeministri, por sipas tij ky i fundit ka dhënë urdhër që të mbahej e fshehtë.

Berisha theksoi se reagimi erdhi vetëm pas denoncimit në rrjetet sociale.

?Një prind nuk mund t?ja lejonte kurrë vetes këtë. Policia ka reaguar vetëm pas denoncimit në rrjetet sociale, dhe ky që nuk ka nder as dinjitet merr përsipër të mashtrojë në vend që të marrë masa, sepse zbatoi urdhërin e Edi Ramës për të fshehur krimin. Krimi ka ndodhur në tetor. Të gjitha informacionet kanë ardhur në Tiranë, i ka marrë Ministria e Brendshme, Ministria e Arsimit dhe vetë kryeministri?-tha Berisha.

Më tej, Berisha u shpreh se për këtë mazhorancë, përdhunimi është standard moral.

?Për ta përdhunuesi duhet të jetë kryetar bashkie, mund të marrë çdo funksion. A mund të imagjinoni ju një zyrtar që ka pafytyrësinë e ju thotë shqiptarëve që policia veproi para krimit.  ky është turp i madh o pucist. Rrugëve do të zvarriteni?-deklaroi Berisha./ CNA.al





Lajmet e fundit nga