web counter
LEXO PA REKLAMA!

SHKARKO APP

App Store
Google Play

E fundit!

x

Kaloi në “sitë”/ Zbardhet vendimi për kreun e Gjykatës Administrative

7 Shkurt 2019, 08:04, Aktualitet CNA

Komisioni i Pavarur i Kualifikimit ka vendosur sot rikonfirmimin në detyrë të kreut të Gjykatës Administrative të Tiranës, Eriol Roshi.

Trupa gjykuese e përbërë nga Genta Tafa Bungo, Lulzim Hamitaj dhe Valbona Sanxhaktari e vlerësuan Roshin, si të përshtatshëm për vijimin e detyrës.

Eriol Roshi ka mbaruar Shkollën e Magjistraturës në vitin 2006 dhe punoi fillimisht në Gjykatën e Durrësit. Në tetor të vitit 2006 ai u emërua gjyqtar në Gjykatën e shkallës së parë në Berat, ndërsa në vitin 2013 u emërua gjyqtar pranë Gjykatës Administrative të Tiranës. Aktualisht Roshi mban pozicionin e kryetarit të gjykatës.

Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të gjyqtarit Eriol Roshi nga viti 2005 deri në fund të vitit 2017.

Dy ditë më parë, CNA.al ka sjellë pasurinë e deklaruar nga gjyqtari Roshi nga viti 2005 deri në 2016, sipas të dhënave të Open Spending Albania.

Burimet e të ardhurave, i ka nga paga e tij si gjyqtarë dhe pedagog në Universitet privat si dhe nga paga e bashkëshortes. Sa i përket pasurisë së patundshme, ai ka deklaruar se ka marrë 6 336 000 lekë për blerje apartamenti. Për më tepër linku më poshtë:

Kryegjyqtari në Vetting/ Zbardhet pasuria e Eriol Roshit





Lajmet e fundit nga