Pesë arsye pse të qenit një person introvert të bën të veçantë

7 Shkurt 2019, 12:37, Aktualitet CNA

Janë dëgjuesit më të mirë

Është e dukshme se kur dikush flet me një introvert, ata shpesh janë shumë të heshtur. Kjo nuk është për shkak se ata nuk kujdesen për atë që personi po thotë, por sepse ata janë duke dëgjuar me kujdes dhe duke menduar thellë. Introvertët janë dëgjues aktivë dhe ndryshe nga ekstravertët, ata nuk do të hidhen lehtë në biseda.

Ata do të dëgjojnë mirë para se të flasin dhe për shkak se ata e përpunojnë informacionin më gjatë, ka të ngjarë të japin këshilla të ndjeshme dhe të menduara mirë.

Janë të vëmendshëm

Përveç që kanë aftësi të mira dëgjimi, introvertët janë gjithashtu të vëmendshëm. Kur ata janë të heshtur, ata ose i dëgjojnë njerëzit ose vëzhgojnë gjërat rreth tyre. Sidoqoftë, për introvertët, vëzhgimi i gjërave apo njerëzve nuk do të thotë t?i gjykosh ata. Ata po përpiqen të absorbojnë të gjithë informacionin që po u paraqitet atyre duke menduar në mënyrë kritike.

Ata gjithashtu tentojnë të përqendrohen në gjestet e një personi, shprehjet e fytyrës dhe gjuhën e trupit, duke i bërë ato komunikues të mirë ndërpersonal.

Mërziten shumë rrallë

Për shkak se ata kalojnë shumë kohë vetëm, introvertët dinë se si të argëtohen edhe pa miqtë apo familjarët e tyre. Ata mund të hanë vetëm në një restorant ose të shikojnë një film pa u ndjerë të vetmuar ose të turpëruar. Në fakt, ata preferojnë t?i bëjnë këto gjëra vetëm, sepse kjo është mënyra se si ata gjejnë qetësi dhe paqe.

Kanë prirje akademike

Disa introvert ngacmohen në shkollë, sepse ata gjithmonë e kalojnë kohën vetëm. Ekstravertët i konsiderojnë ata si budallenj, të çuditshëm dhe antisocial. Sidoqoftë, koha e kaluar vetëm në shkollë mund t?u bëjë mirë introvertëve. Për shkak se ata normalisht nuk marrin pjesë në festa ose dalin me shokët e tyre, ata kanë më shumë kohë për të studiuar.

Kanë pak miq, por miq të mirë ama

Shumica e ekstravertëve kanë shumë miq për shkak të natyrës së tyre të hapur. Introvertët nga ana tjetër, kanë një rreth shumë të vogël miqsh. Ata kanë tendencë që të jenë të ndjeshëm kur bëhet fjalë për njerëzit që fusin në jetën e tyre. Ata i zgjedhin ato me shumë kujdes dhe bëjnë miqësi me njerëz që mund të kenë besim. Me sa duket, intravertët preferojnë cilësinë mbi sasinë.

Mund të jetë e vështirë për të kuptuar sjelljen dhe qëndrimin e introvertëve, por duke hedhur një vështrim më të afërt në jetën e tyre, na bën të kuptojmë se të qenit një introvert mund të jetë gjithashtu një kënaqësi.