web counter
LEXO PA REKLAMA!

SHKARKO APP

App Store
Google Play

Gent Cakaj, ministër pa garanci suksesi

29 Janar 2019, 21:34, Aktualitet CNA

Një nga të shumëdiskutuar në emisionin ?Tempora? të moderuar nga Sonila Meçon, ka qenë Gent Cakaj, i qenë zyrtarisht zv.ministër por që mbulon vendin e ministrit.

Ndër vlerësimet e bëra për të, nga të ftuarit, ka qenë edhe ai i  ish deputetes dhe ministres së Jashtëme socialiste, njëherësh dhe ish kryetare e grupit parlamentar të Polikës së Jashtëme, Arta Dade.

Dade është shprehur pesimiste për kryerjen e detyrës nga Cakaj, duke sjellë edhe argumenta mbështetës për këtë dyshim.

 ?Që kur u diskutua emri i tij nuk gjeja dot CV-në. Sigurisht CV-në e ka shkruar vet, por kjo nuk e bën atë që të ketë garancinë si ministër i Jashtëm që do të përballojë sfidat që kemi. Mënyra se si ai ka dalë në skenën politike është pak jo e natyrshme. E kam ndjekur kur justifikonte kryeministrin që ne duhet të kemi një president të përbashkët. Ishte e pamundur të merrje thelbin e deklaratave të tij.

Kur dëgjon dikë që ka një dalje publike dhe është e pamundur të komunikojë me audiencën, sigurisht që nuk të krijon një habi të madhe si gjeni sikur është prezantuar nga ana e Kryeministrit që ky njeri mund të drejtojë një ministri kaq të rëndësishme. Në mënyrën se si ai u pozicionua kur mori kompetencat tregonte mosdije totale për detyrat e shtetit.

Në rastin konkret, Edi Rama është dekretuar duke vënë dorën mbi Kushtetutë dhe pas gjysmë ore t’ia delegojë zv/ministrit. Delegohen kompetencat në momentin kur ministri i Jashtëm është në mungesë absolute për të kryer të dytën. Unë nuk e di që kryeministri shqiptar është në mungesë absolute për të kryer detyrën. Genti e kishte hallin të mos zhgënjente Kryeministrin, jo të kryente detyrën për Shqipërinë,?- ka vlerësuar Dade./ CNA.al.





Lajmet e fundit nga