web counter
LEXO PA REKLAMA!

SHKARKO APP

App Store
Google Play

Denoncimi/ Ambasadat shqiptare çerdhe spiunësh

29 Janar 2019, 21:11, Aktualitet CNA

Ambasadat shqiptare nëpër botë janë çerdhe spiunësh. Në vend të merren me punët diplomatike për të cilat shteti ynë ka aq shumë nevojë mbajnë shënim çfarë bën njeri e tjetri punonjës. Ku shkojnë, me kë takohen etj. etj. Madje për të grumbulluar material kompromentues i shtyjnë punonjësit të spiunojnë.

Deklarimin tronditës e ka bërë Neritan Ceka, politikani dhe njeriu që për disa vite shërbeu si Ambasador i vendit tonë në Itali. Nga tryez e emisionit ?Tempora?, të Sonila Meços, duke folur  nëse po izolohet apo jo qeveria shqiptare, Ceka përmendi sjelljen jo dinjitoze të zyrtarëve që shërbejnë nëpër selitë diplomatike.

?Kam një rast të përjetuar gjatë shërbimit tim si ambasador në Itali. Në vend të ishin ndihmës të punës për të arritur qëllimin e përbashkët, element partiak i bënin presion punonjësve të spiunonin rreth lëvizjeve të mia. Nuk dua të përmend emra por vajzës së një gazetari të njohur i kërkonin ti informonte për atë çfarë bënt ambasadori, ku shkonte, me kë takohej etj., veprime që nuk vlenin.

Ambasada e Italisë që është një nga më të rëndësishme, nuk ka asnjë kontakt me Ministrinë e Jashtme. Unë kujtova se e kishte me mua dhe pyeta më thanë se nuk ka kontakt. Ambasadori ka një radhë detyrash.

Ministria kërkon sa më pak informacione. Informacionet i marrin nga shoferi dhe nëpunësi i ambasadës, ç’bën ambasadori, ku shkon gruaja e ambasadorit. Ka një rrjet në Ministrinë e Jashtme që merret me këtë punë. Mund ta quaj një rrjet spiunazhi,?- ka thenë Ceka, duke mos e dekonspiruar identitetin e vajzës..

/CAN.al





Lajmet e fundit nga