Raporti i FMN-së/ Ministria e Finincave: Rritja ekonomike u konfirmua

29 Janar 2019, 18:49, Aktualitet CNA

Ministria e Financave dhe Ekonomisë ka reaguar ndaj raportit të FMN-së që thotë se gjatë këtij viti vendi ynë ka pasur rritje ekonomike.

Duke iu referuar këtij raporti, MFE (Ministria e Financave dhe Ekonomisë), thekson se kjo është rritja më e madhe e dekadës.

?FMN deklaron se: Nga të dhënat më të fundit të Produktit të Brendshëm Bruto, Stafi i FMN ka rishikuar në rritje vlerësimin e tij për rritjen reale ekonomike të vitit 2018, në 4.2%.

Stafi i FMN vlerëson se borxhi publik total bruto (pa përfshirë ?arrears?) për vitin 2018 është në nivelin 67.2% e PBB, 1.7 pikë përqindje më i ulët se sa projeksioni respektiv i bërë në raportin e Stafit të FMN, rrjedhojë kjo e një deficiti më të ulët se sa parashikohej si dhe vlerësimit të kursit të këmbimit. Këto efekte priten të jenë permanente, kështu që rrjedhimisht reduktojnë nivelet e projektuara të borxhit përgjatë horizontit kohor të projeksioneve në vijim. Me nota pozitive vlerësohet dhe emetimi i suksesshëm i Eurobondit të Shqipërisë pre 500mln Euro në Tetor të vitit 2018 me një maturitet 7 vjet dhe me terma të favorshme.?-shkruan MFE-ja.

Më tej, në reagimin e Bordit Ekzekuitiv të Financave theksohet se duhet vazhduar me luftën ndaj korrupsionit.

?Duke përshëndetur progresin e deritanishëm, Bordi Ekzekutiv thekson se është e rëndësishme të përfundohet reforma gjyqësore në vazhdim dhe të forcohen përpjekjet kundër korrupsionit. Drejtorët theksuan nevojën për të reduktuar informalitetin, duke ruajtur një sistem tatimor të thjeshtë dhe të ndershëm, duke mbajtur përmirësime në mbledhjen e taksave dhe duke rritur cilësinë e shërbimeve publike.

FMN mirëpriti ndryshimet e planifikuara në legjislacionin PPP për të rritur rolin e Ministrisë së Financave dhe Ekonomisë si një rojtar në mbajtjen e kostos fiskale potenciale të PPP-ve, si një hap i parë i dobishëm. Gjithashtu do të jetë kritike për të siguruar vlerën për para përmes një procesi konkurrues të ofertimit për të gjitha projektet duke ndaluar pranimin e propozimeve PPP të pakërkuara

Qeveria është duke punuar ngushtësisht me FMN/BB/BE për konsolidimin e proceseve vendimmarrëse dhe forcimin e njësisë së menaxhimit të investimeve publike në Ministrinë e Financave dhe Ekonomisë.?-mbyllet reagimi zyrtar i MFE-së./CNA.al