web counter
LEXO PA REKLAMA!

SHKARKO APP

App Store
Google Play

Kontrolli i kufijve/ BE: Frontex garanton siguri

29 Janar 2019, 16:22, Aktualitet CNA

Bashkimi Europian ka reaguar për marrëveshjen ndërmjet Shqipërisë dhe Agjencisë Evropiane të Rojeve Kufitare dhe Bregdetare FRONTEX për kontrollin e kufirit.

Në një postim  në rrjetet sociale, delegacioni i BE shprehet se marrëveshja është krijuar për rritjen e sigurisë dhe garantimin e një menaxhimi më të mirë të emigracionit të parregullt në Shqipëri dhe gjithë rajonin.

?Hyrja në fuqi e marrëveshjes ndërmjet Shqipërisë dhe Agjencisë Evropiane të Rojeve Kufitare dhe Bregdetare @Frontex BE në të ardhmen do të kontribuojë për rritjen e sigurisë dhe garantimin e një menaxhimi më të mirë të migrimit të parregullt në Shqipëri dhe në të gjithë rajonin.

Negociata për marrëveshje të tilla kanë përfunduar me partnerë të tjerë të #BallkanitPerëndimor. Menaxhimi i kufijve  të Shqipërisë mbetet kompetencë e autoriteteve të Shqipërisë.?- thuhet aty.

Më tej, në këtë reagim theksohet se agjencia synon vetëm të ofjë ndihmë dhe mbështetje.

?Agjencia u ofron vetëm ndihmë dhe mbështetje autoriteteve kompetente kombëtare, në frymën e bashkëpunimit të ndërsjellë.

Nuk ka lidhje mes hyrjes në fuqi të marrëveshjes dhe mekanizmit për pezullimin e vizave. Është në interes si të Shqipërisë ashtu dhe të BE-së që të rrisin më tej bashkëpunimin e tyre për migracionin dhe sigurinë?,-shkruan agjencia./CNA.al





Lajmet e fundit nga