E fundit!

08:27 Aktualitet

Helmohen sërish nga ushqimi dhjetëra kursantë të Akademisë së Sigurisë

Helmohen sërish kursantët e Akademisë së Sigurisë në Sauk....

Skandali-Dosja 339/ Prokurorët nxjerrin sekretin hetimor

29 Janar 2019, 14:01, Aktualitet CNA

Dy prokurorët e Krimeve të Rënda kanë reaguar pasi gazetari Flamur Vezaj, në një postim në rrjetet sociale shkruante se kryeministri Edi Rama dhe disa deputetë janë të përfshirë në dosjen ?339?.

Dy prokurorët e kësaj çështjeje, Vladimir Mara dhe Dritan Prençi kanë përgënjeshtruar gazetarin Vezaj, duke i konsideruar faktet e publikuara prej tij si të pavërteta.

Në një deklaratë pë mediat, prokurorët e dosjes në fjalë shprehen se ?Në lidhje me njoftimin publik të bërë të ditur në statusin në Facebook, dt 29.01.2019, nga z.Flamur Vezaj, me vendndodhje në Shtetet e Bashkuara të Amerikës, se kryeministri Rama rezulton i përfshirë në dosjen 339, në komunikim me ish-drejtorin e Përgjithshëm të Burgjeve, z.Arben Çuko, ju bëjmë me dije se faktet e deklaruara janë të pavërteta”.

Statusi i Vezajt:

Në rrjetin e përgjimeve në dosjen ?339? ose operacionin ?VOLVO 4? ka rënë edhe Kryeministrit Edi Rama! Ky lajm konfirmohet nga burimet kofidenciale pranë Prokurorisë së Krimeve të Rënda! Ne dosjen me nr.339 që po hetojnë dy prokurorët Vladimir Mara dhe Dritan Prenci rezultojnë se janë interceptuar biseda dhe mesazhe të Kryeministrit Edi Rama me ish-drejtorin e përgjithshëm të burgjeve Arben Çuko!

Keto mesazhe dhe biseda ndodhen në dosje të veçuara! Nuk dihet se çfarë përmbajtje kanë pasi hetuesit ndodhen në fazën e verifikimit të tyre, nëse përbëjnë interes për dosjen ose jo!

Burimet thonë se janë interpretuar edhe mesazhet e ish-deputetit Arben Ndoka me KM Rama dhe deputetë të ndryshëm të shumicës në vend!

Por jo vetem kaq, në dosje ka edhe biseda të ministrave, kreut të grupit parlamentar të PS-së T.Balla e shumë deputetëve të tjerë me dy ish-deputetët. Si dhe biseda të shumta të ?supermenit? të bisedave telefonike Vangjush Dako me pjesetarët e grupit të trafikut të drogës!

Ftoj dy prokurorët Mara e Prençi që të reagojnë zyrtarisht me precedentin e njoftimit ?Prela? se sa të verteta janë këto informacione të siguruara nga burimet kofidenciale!

#Vazhdoni_transparencen#