E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Marrëveshja e fshehtë Rama-Basha/ Gazetari zbardh prapaskenat

27 Janar 2019, 14:28, Aktualitet CNA

Gazetari Ylli Pata ka analizuar se pse kreu i Partisë Demokratike, Lulzim Basha po organizon protestë dhe cilat janë qëllimet që fshihen pas saj.

Pata ka thënë se Basha është duke zhvilluar të njëjtën skemë si ajo e çadrës në 2017-ën.

?Lulzim Basha, në prag të mbledhjes së Këshillit Kombëtar dhe ndryshimeve brenda PD-së nuk foli, por shpalli pas zgjedhjes së kryesisë, thirrjen e një proteste të madhe kombëtare me objektivin: Nuk ka zgjedhje me Edi Ramën.

Në formë kemi të bëjmë me një fotokopje të 2017-s, madje edhe data është e njëjtë-16 shkurt, pas së cilës u instalua çadra e famshme që mbajti Bulevardin para Kryeministrisë për tre muaj të bllokuar.

Por në përmbajtje, Basha kërkon të acarojë sërish situatën për të dalë me një marrëveshje të leverdisshme për të para zgjedhjet lokale.

Ai si edhe dy vjet më parë luan me stekën e lartë, pra rrëzimin e qeverisë, por që në fakt synon marrjen e një pakti në tavolinë sa më optimal.?-shprehet ai.

Gazetari thekson se kryedemokrati ka do vetëm që të arrijë marrëveshjen më të leverdishme dhe sipas tij deri më tani ka arritur që të marrë diçka.

Ai shton se propozimi i kreut të grupit parlamentar i PS-së, Taulant Ballës është një arritje e kërkesave të Bashës.

?Po cili mund të jetë ky pakt optimal që mund të marrë Lulzim Basha pas protestës së 16 shkurtit?

Një favor e ka arritur që pa nisur protestën.

Taulant Balla, kryetar i grupit parlamentar të PS-së, deklaroi në Top Channel se ?I kemi lënë Lulzim Bashës letër të bardhë që ta shkruajë vetë ndryshimin në Kodin Zgjedhor dhe të vijë ta miratojë në Kuvend?.

Pra, njësoj si me ligjin e dekriminalizimit, Basha ka rastin dhe mundësinë që të vendosë ekuilibrat që ai dëshiron apo edhe garancitë e duhura që zgjedhjet të mos kenë të paktën alibinë se janë të manipuluara.

Por kjo natyrisht nuk mjafton dhe sipas të gjitha gjasave bëhet fjalë për një paketë më të gjerë.?-vijon ai.

Më tej, Ylli Pata thekson se këto plane përfshijnë edhe ndërkombëtarët, si edhe theksohet se janë përjashtuar të gjithë aleatët e PD-së përfshirë edhe LSI-në.

?Paketë, që ka nisur të diskutohet që në vitin e kaluar, madje edhe në kancelaritë perëndimore.

Në mes të nëntorit, një delegacion i përbashkët i PD-së dhe PS-së, që drejtohej nga Taulant Balla vizitoi Parlamentin Europian dhe pas atyre takimeve, opozita braktisi bojkotin dhe u kthye në Kuvend, duke mos rrezikuar edhe djegien e mandateve.

Në ditët e para të vitit të ri, ambasadori i BE-së dhe ai i OSBE-së shkuan në zyrën e Bashës dhe i thanë që të mos e braktisë më Parlamentin.

Në këtë takim është folur pikërisht për atë që opozita do të përfitojë nga një marrëveshje e mundshme politike.

Bie në sy se në të gjithë këtë negociatë është mënjanuar LSI-ja por edhe aleatët e vegjël të Lulzim Bashës.?-thotë gazetari.

Në shkimin e tij Pata shpjegon se Basha synon që të ketë një bashkëqeverisje me Edi Ramën.

Për të kuptuar më mirë atë që mund të ndodhë pas protestës së 16 shkurtit të këtij viti, mjafton të kujtojmë atë që ndodhi në marrëveshjen e 17 majit të vitit 2017 mes Edi Ramës dhe Lulzim Bashës.

?Kreu i PD-së mori gjysmën e qeverisë, ndërkohë që besonte që nëse Edi Rama nuk do të fitonte shumicën e nevojshme për të qeverisur i vetëm do të bashkëqeveriste edhe pas zgjedhjeve.

Por si aneks i marrëveshjes që u asistua nga zyrtari i lartë i Departamentit Amerikan të Shtetit, Hoyt Brian Yee, PD premtoi që të votojë komisionet e vettingut, në mënyrë që reforma në drejtësi të ecte përpara.

Në fakt edhe sot, si për ?koecidencë? reforma në drejtësi është sërish në rend të ditës dhe si afat për këtë është hyrja në fuqi e SPAK dhe BKH në muajin shkurt.

Organet kryesore që dalin nga këto institucione si Prokurori i Përgjithshëm do të duhet të votohet në Kuvend me 84 vota. Por nëse nuk arrihet kjo shumë fiton kandidati i parë i renditur nga Këshilli i Lartë i Prokurorisë.

Pra nuk ka më pengesë që ndonjë aktor mund të bllokojë rrugës siç ndodhi në vitin 2017.

Megjithatë çështja është se pjesë të opozitës që përfaqësohen nga Sali Berisha shpresojnë se nëse do të ketë masa të madhe njerëzish më 16 shtator dhe mund të krijohen tensione, axhenda politike mund të devijohet rrugës.

Gjë që deri tani opozita nuk e ka arritur. Megjithatë Basha ka shumë gjasa që të ketë përgatitur një instrument tensioni që të kërkojë një marrëveshje në momentin e fundit.

Në vitin 2017, PD arriti të marrë gati në tavolinë bashkinë e Kavajës, ku mazhoranca thuajse u tërhoq, si për të fituar një simbol, ku opozita drejtoi artilerinë më të rëndë të saj.

Por për dy jetë qeverisje të Kavajës, jo vetëm që përfaqësuesi i PD-së nuk krijoi një model qeverisjeje, por edhe Basha nuk e promovoi kreun e bashkisë së Kavajës, Isa Sakja në kryesinë e PD-së, të paktën për t?i dhënë këtij simboli një fuqi politike.?-shkruan gazetari./CNA.al