web counter
LEXO PA REKLAMA!

SHKARKO APP

App Store
Google Play

Protesta dhe zgjedhjet lokale/ PD ndan detyrat

27 Janar 2019, 13:22, Aktualitet CNA

Partia Demokratike ka filluar organizimet jo vetëm për protestat, por edhe për zgjedhjet lokale.

Këshilli i Kombëtar PD-së vendosi t?i delegoi organeve të reja drejtuese, kryesisë dhe sekretariatit organizativ organizimin e protestave raporton BW.

Në ndarjen e detyrave mësohet se Partia Demokratike ka si objektiv të qartë zhvillimin e zgjedhjeve të lira dhe të ndershme.

Kryetari i PD-së Lulzim Basha dhe Sekretari i Përgjithshëm Gazmend Bardhi u kanë shpërndarë anëtarëve të kryesisë një udhëzim ku u kërkojnë fillimin e punës për ngritjen e shtabeve elektorale në çdo degë lokale.

Në këtë udhëzim thuhet se duhet të nisë puna për identifikimin e personave që do të jenë në shtabet elektorale në zbatim të vendimit të kryesisë.

Po ashtu në këtë udhëzim kërkohet identifikimi dhe thirra e të gjithë atyre personave që kanë kontribuuar për Partinë Demokratike nga viti 1991 qofshin ato ish-deputetë apo ish-kryetarë bashkish.

Këshilli Kombëtar i PD-së ka kërkuar edhe që të merren masa për takime të kryedemokratit Lulzim Basha në rrethe si përgjegjësi kryesor për të organizuar të gjitha strukturat e partisë./CNA.al





Lajmet e fundit nga