web counter
LEXO PA REKLAMA!

SHKARKO APP

App Store
Google Play

E fundit!

x

Policia pëfshihet në skandal/ Artan Hoxha zbardh dosjen

27 Janar 2019, 12:58, Aktualitet CNA

Mësohen detaje të reja për kosovarin Naser Hoxha që u lirua nga policia e Kukësit, pavarësisht vendimit të Gjykatës së Tiranës.

Lirimi i Naser Gashit nga policia e Kukësit çoi në pezullimin dhe ndëshkimin e oficerit që denoncoi skandalin e eprorëve të tij.

Gazetari Artan Hoxha ka hetuar dosjen e këtij shtetasi dhe ka raportuar për gazetën Shqiptarja.com se rezulton që prej qershorit të vitit 2013 Naser Gashi është shpallur në kërkim ndërkombëtar.

Ai është dënuar me 11 vite burg nën akuzën e ?Trafikut të lëndëve narkotike? kryer në bashkëpunim.

Më tej, bëhet me dije se për shkak të gjykimit të shkurtuar Gashi ka përfituar ulje dënimi, duke u dënuar përfundimisht me 7.4 vite burgim.

Ai e ka çuar vendimin e Apelit të Krimeve të Rënda në Gjykatën e Lartë, por çështja nuk është pranuar të gjykohet.

Prej vitesh me radhë Naser Gashi ka qëndruar në arrati dhe është fshehur nën identitetin Saimir Buli dhe ka hyrë me këtë emër në Shqipëri.

Në 17 tetor të 2018-ës në mbrëmje, Gashi së bashku me shokun e tij Ron Nimani, kanë tentuar të dalin nga Shqipëria në Kosovë, me një makinë Audi duke përdorur pikën e kalimit kufitar Morinë.

Si pasojë e dyshimeve të policisë kufitare të kësaj pike ai është shoqëruar në Drejtorinë e Policisë Kukës. Por më pas ai është liruar nga Drejtoria e Policisë së Kukësit, duke anashkaluar vendimin e Gjykatës së Tiranës./CNA.al





Lajmet e fundit nga