web counter
LEXO PA REKLAMA!

SHKARKO APP

App Store
Google Play

E fundit!

x

Kandidat për Bashkinë e Durrësit/ Flet Gazmend Oketa

27 Janar 2019, 14:12, Aktualitet CNA

Një nga ish-të larguarit e Partisë Demokratike, i cili u zgjodh në Këshillin Kombëtar të PD-së, Gazmend Oketa ka treguar se disa vite pasi u largua, vendosi të rikthehej përsëri në bazë.

Gazmend Oketa, ka qenë  ish-ministër i Mbrojtjes në kohën kur Sali Berisha ishte kryeministër.

Ndërsa, më vonë ka qenë bashkëthemelues i partisë Fryma e Re Demokratike e Bamir Topit.

Në një intervistë për ?Gazeta Shqiptare? Oketa ka rrëfyer edhe arsyet e rikthimit të tij në PD.

?U riktheva në PD për shkak të zhvillimeve politike. Lëvizja e studentëve dhe protesta më ktheu besimin se mund të ndryshojë situata?,- është shprehur ish-ministri i Mbrojtjes.

Më tej, ai është pyetur edhe nëse është një ndër kandidatët seriozë të PD-së për Bashkinë e Durrësit në zgjedhjet e 30 qershorit.

Oketa as e ka pohuar, por as e ka mohuar një kandidim të mundshëm për kryetar bashkie në Durrës.

?Unë jam në PD për më shumë se kaq. Unë jam në politikë për të kontribuar me aq sa mundem për ndërtimin e një sistemi politik vërtet demokratik. Nëse arrijmë të ndërtojmë një sistem të tillë ju siguroj se gjithçka do të ishte më e lehtë për secilin prej nesh pavarësisht bindjeve. Nëse do ndërtojmë një sistem të tillë Shqipëria do të ishte vërtet foleja e shqiptarëve. Unë nuk e shoh politikën thjesht çështje emri apo emrash. Ajo duhet të jetë e bazuar në një sistem vlerash, parimesh, idesh dhe progresesh tha Oketa, duke lënë kështu të hapur mundësinë e kandidimit për të marrë drejtimin e Durrësit./CNA.al

 





Lajmet e fundit nga