Zbardhet vrasja e 34-vjeçarit/ Në pranga tre persona

26 Janar 2019, 10:04, Aktualitet CNA

Tre persona kanë rënë në prangat e policisë, pas ngjarjes së rëndë të mbrëmjes së djeshme, ku një 34-vjeçar ka gjetur vdekjen.
Arben Gjeci nga Zallbastari është gjetur i plagosur në kokë në anë të rrugës nga kalimtarët më 24 janar dhe është transportuar rmenjëherë ne spital, por nuk arriti të mbijetonte.

Fillimisht u dyshua për një rënie nga lartësia, por rezultatet e autopsisë treguan se 35-vjeçari kishte katër plage në koke, çka ngre dyshime se ai mund të jetë goditur me sende të forta, dëmtime që i kanë sjellë vdekjen.

Ndërkohë në lidhje me ngjarjen e rëndë, policia ka vënë në pranga shtetasit:
– E.C., 31 vjeç, për veprën penale ?Plagosje e rëndë me dashje me pasojë vdekjen?;
– D.K., 29 vjeç, për veprën penale ?Veprime që pengojnë zbulimin e së vërtetës? dhe ?Prodhim dhe shitje të lëndëve narkotike?;
– E.C., 20 vjeçe, për veprën penale ?Veprime që pengojnë zbulimin e së vërtetës?.

Njoftimi i policisë:

Pas një pune intensive dhe të pandërprerë 48 orëshe, Policia e Tiranës në bashkëpunim me Prokurorinë e Rrethit Gjyqësor Tiranë ka zbardhur rrethanat dhe arrestuar 3 persona, për një ngjarje të raportuar në nisje si një vdekje aksidentale.

Dyshohet se shtetasi E.C., më datë 24 janar 2019, rreth orës 20:30, në fshatin Bastar i Mesëm ka goditur me sende të forta në kokë shtetasin A.Gj., 34 vjeç, duke i shkatuar dëmtime të rënda në kokë. Për pasojë i riu humbi jetën në Spitalin e Traumës.

Ngjarja u raportua si aksidentale. Por hetimet provuan të kundërtën. Në polici u shoqëruan disa shtetas dhe u kryen disa veprime komplekse hetimore në konfidencialitet të plotë.

Në vijim të këtyre veprimeve, dyshohet se shtetasit D. K., dhe E. C., me veprimet dhe mos veprimet e tyre kanë fshehur të vërtetën e ngjarjes së ndodhur. Gjithashtu nga kontrolli i ushtruar në banesë u gjet edhe një sasi lënde e dyshuar kanabisi.

Shërbimet e Policisë Tiranë bënë arrestimin e shtetasve:

– E.C., 31 vjeç, për veprën penale ?Plagosje e rëndë me dashje me pasojë vdekjen?;
– D.K., 29 vjeç, për veprën penale ?Veprime që pengojnë zbulimin e së vërtetës? dhe ?Prodhim dhe shitje të lëndëve narkotike?;
– E.C., 20 vjeçe, për veprën penale ?Veprime që pengojnë zbulimin e së vërtetës?.

Për shkak të hetimeve nuk mund të jepen detaje të tjera, ndërkohë materialet i kaluan për veprime të mëtejshme Prokurorisë së Rrethit Gjyqësor Tiranë.

Vdekja e 35-vjeçarit/ Zbardhen detajet tronditëse