web counter
LEXO PA REKLAMA!

SHKARKO APP

App Store
Google Play

E fundit!

x

Fluks kërkesash për karta ID/ Ministria e Brendshme bën njoftimin e rëndësishëm

26 Janar 2019, 08:14, Aktualitet CNA

Zyrat e aplikimit për karta ID në të gjitha qytetet kryesorë të vendit, do të jenë të hapura edhe të shtunën.

Lajmi është bërë i ditur nga Ministria e Brendshme, e cila sqaron se Drejtoria e Përgjithshme e Gjendjes Civile, për shkak të fluksit të lartë të aplikimeve për karta ID dhe për t’u ardhur në ndihmë qytetarëve, ka urdhëruar hapjen e gjithë zyrave të aplikimit për Tiranën dhe disa prej qyteteve kryesore të vendit, gjatë ditës së shtunë, datë 26 janar.

Po kështu Ministria e Brendshme deklaron se në kuadër të masave që janë marrë për përballimin e fluksit të qytetarëve, ditën e shtunë, përveç të gjitha zyrave të njësive administrative të Tiranës, do të jenë funksionale zyrat e aplikimit në qytetet: Berat, Durrës, Elbasan, Fier, Lushnje, Korçë, Shkodër dhe Vlorë.

Ministria e Brendshme u bën apel qytetarëve të verifikojnë afatet e vlefshmërisë së kartës ID, në mënyrë që të aplikojnë më herët pa krijuar flukse dhe radhë pritjeje./CNA.al





Lajmet e fundit nga