Zbulohet skandali/ Spiuni i Sigurimit me pseudonimin “Venusi”, pjesë e KLP (Emri)

25 Janar 2019, 21:35, Aktualitet CNA

Ish spiunët e shërbimit famëkeq komunist Sigurimi i Shtetit kanë çarë rrethimin duke u bërë pjesë e strukturës së re të sistemit të hetimit.

Sikurse ka bërë publike ?Bold.News?, prokurori Bujar Sheshi (Shesha), i përzgjedhur për të qenë midis njëmbëdhjetë anëtarëve të Këshillit të Lartë të Prokurorisë (KLP), ka qenë bashkëpunëtor i Sigurimit të Shtetit.

Publikimin ?Bold Neës? e ka shoqëruar me një dokument të nxjerrë nga arkiva e Autoritetit të Hapjes së Dosjeve të ish-bashkëpunëtorëve të shërbimit famëkeq komunist.

Pseudonimi i Bujar Sheshit ka qenë ?Venusi”. Materiali mban datën 22 Janar të këtij viti, shkruan ?Bold?, që vijon:.

?Nga kontrolli i dosjeve dhe dokumentacionit figuron se Bujar Sheshi ishte bashkëpunëtor i ish-Sigurimit të Shtetit, madje që në shkollë të mesme.

Nga verifikimi i kryer rezulton se figuron dokumentacion i krijuar nga struktura e ish-Sigurimit të shtetit për shtetasin Bujar Sheshi (Shesha). Kartela model 2, me nr 8023 me këto të dhëna:

?Bujar Rasim Shesha, i datëlindjes 1957, vendlindja Tiranë, arsimi me dy të mesme, nxënës në shkollën ?Petro Nini Luarasi?, me pseudonimin ?Venusi?, sektori V, drejtimi inteligjencë rini. Data e tërheqjes në bashkëpunim dt 13.02.1974?, thuhet në konkluzionet e Autoritetit të Hapjes së Dosjeve.

? Nga kontrolli i mëtejshëm figuron se Bujar Sheshi, si një agjent i devotshëm nis shkollën e Lartë të Ministrisë së Brendshme në profilin Sigurimi i Shtetit.

Në vitin 1979 karriera e tij do niste mjaft mbarë si hetues në degën e Punëve të Brendshme në Fier. Po sipas vijimit të materialit, në kartelën personale të Sheshit shkruhet se vlerësimet e marra ishin: ?Shumë mirë??, çka vërteton devotshmërinë e tij në këtë detyrë.

Në nenin 7, pika 2 të ligjit ?Për organet e qeverisjes së sistemit të drejtësisë, kur flitet për ngritjen e KLP-së, thuhet kadidati: ?Të mos kenë qenë anëtarë, bashkëpunëtorë ose të favorizuar të ish-Sigurimit të Shtetit para 2 korrikut 1991, në kuptimin e ligjit ?Për të drejtën e informimit për dokumentet e ish-Sigurimittë Shtetit të Republikës Popullore Socialiste të Shqipërisë?.

Nga materialet e siguruara rezulton se Sheshi bën pjesë në ata individë të cilët jo vetëm kanë qenë pjesë e ish-sigurimit të Shtetit, por ka bërë karrierë për një kohë të gjatë, duke nisur nga shkolla e mesme e në vijim, deri në momentin kur institucioni famëkeq i sigurimit u mbyll pas rënies së sistemit komunist.

Por Sheshi mundi sërish të jetë në elitën e drejtësisë, madje duke ngjitur shkallët hierarkike në majat më të larta në Prokurori, deri në detyra të rëndësishme në Prokurorinë e Përgjithshme. Edhe pas procesit të vettingut, Sheshi që e dinte mirë të shkuarën e tij nuk hoqi dorë nga karriera, por zuri vend në 11 anëtarët e KLP-së, që është institucioni më i lartë që shqyrton emërimet dhe shkarkimet në gjithë kupolën e prokurorisë.

Me zbulimin e këtij materiali ka dalë një skandal i përmasave të mëdha, ku në sistemin e drejtësisë ish-punonjës të Sigurimit të Shtetit po kontrollojnë gjithçka, duke depurtuar deri në elitën e drejtësisë së re?./CNA.al