web counter
LEXO PA REKLAMA!

SHKARKO APP

App Store
Google Play

E fundit!

x

“Jo vetëm Holta”/ Deputeti i PD-së thirrje për protestë

25 Janar 2019, 20:27, Aktualitet CNA

Deputeti i Partisë Demokratike, Luçiano Boçi në një postim në rrjetet sociale ka bërë thirrje për  të protestuar ditën e nesërme kundër shkatërrimit të të kanionit të Holtës.

Sipas Boçit, shqiptarët kanë 100 arsye për të protestuar, por ditën e nesërme duhet të protestojmë për natyrën.

?JO VETËM HOLTA!
Kemi 100 arsye për të protestuar:
për mjerimin, për arsimin e degraduar, për shëndetësinë stratosferike, për ekonominë e shkatërruar, për shpresën e vrarë, për të ardhmen e mbyllur, por dhe për natyrën e pushkatuar!!!!

Nësër në 12.00 në Holtë, jo vetëm për Holtën.

Qeveria e panginjur Rama, e cila, për propagandë, në aktin e parë të saj anulloi një HEC, tani ka vënë në shenjestër jo vetëm Holtën.

E ka mbytur Gramshin, Skraparin, Librazhdin, Zagorinë, gjithë Shqipërinë me HEC-e çibanë në shpinën e bukurive natyrore.

Si duket sipas parimit të njohur:
?Një bie, qindra ngrihen!?

Lejet për HEC-e kanë zaptuar të gjithë territorin e Gramshit e më tej.

Në përrenjtë fantastikë të kësaj treve mrekulli natyre, Rama ka miratuar 13 të tilla.

Zhduken kështu bukuri prej Zoti, për ca fitime miliona eurosh.

4 janë në Kukër.
4 në Skënderbegas përfshirë një në Sotirë.
3 në Poroçan.
2 në Lenie.

Dëmtohet në mënyrë të pakthyeshme ekosistemi i pellgut të Tomorricës dhe zona e Sotirës, sikurse perlat e tjera të Gramshit e Skraparit.

Tani në vend të rrjedhës së kristaltë ujore, njerëzit e turistët do shohin vetëm tuba pa fund.

Prandaj nesër në 12.00 të protestojmë në Holtë, në emër të Zotit dhe të Shqipërisë?,-shkruan Boçi./CNA.al

 





Lajmet e fundit nga