web counter
LEXO PA REKLAMA!

SHKARKO APP

App Store
Google Play

Skandali i Urdhrit të Stomatologëve/ Vjedhje me tender e licensa fallso

25 Janar 2019, 16:27, Aktualitet CNA

Presidenti i Urdhërit të Stomatologëve, Nikollë Deda, është denoncuar për dhënie të licensave fallso.

Në një postim në rrjetet sociale, ish-kryeministri Sali Berisha ka bërë  publike mesazhet e dy qytetarëve.

Në mesazhin e parë theksohet se Deda njihet në Pukë për vjedhjen që ka bërë me tenderin e kripës.

?Denoncohet korrupsioni i kreut mafioz të urdhërit të Stomatologëve, Nikollë Kripa (Deda)

Lexoni mesazhet e qytetareve dixhital. sb

Zoti Doktor një informacion për hajdutin Nikollë Deda ( president i Urdhrit të Stomatologut) i cili është mësuar të rrisë çmimet , ky ka qenë Drejtor i Shëndetit Publik në rrethin e Pukës në vitin 1997-2000 dhe është shkarkuar nga auditi i Ministrisë së Shëndetësisë për vjedhje në tenderin e kripës , nga 20 lek kg ai e bëri 65 lekë kg në tender dhe e fitoj Z. Bashkim Asllanaj, i cili tani është Sekretar i Përgjithshëm te Urdhri i Stomatologut dhe e ka punësuar Nikollë Deda . Në të gjithë Pukën njihet si Nikolla i kripës. Nikolla ka qenë kandidat për deputet i PS dhe ka lidhje të forta me pushtetin. Mjerë stomatologët për të.?-thuhet në shkrim.

Ndërsa, në mesazhin tjetër një grup stomatologësh shkruan se Nikollë Deda u ka dhënë të huajve licensa fallso për të ushtruar profesionin e stomatologut në Shqipëri.

?Përshëndetje Dr.Sali Berisha , Jemi një grup stomatologësh që punojmë me ndershmëri, duam të denoncojmë Presidentin e Urdhrit të Stomatologut Nikollë Deda, i cili jep licensa fallco për Dentistët e huaj që vinë punojnë në Shqipëri , marrin lekët e popullit dhe nuk mbajnë asnjë përgjegjësi për pacientët. Duam t?i drejtohemi prokurorisë që të shkojë të hapi të gjitha dosjet e dentistëve të huaj. Ky është një nga raste i firmosur nga Presidenti. Kemi shume shpresë te ju.?-shkruan qytetari./CNA.al

 





Lajmet e fundit nga