web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Kush pritet të jetë partia që do përmbysë situatën

25 Janar 2019, 19:51, Aktualitet CNA

Situata që zotëron terrenin e rënduar të jetës shqiptare është nga temat më stresuese dhe më të diskutuarat aktualisht. Është nga më të diskutuarat pasi 30 vite pas premtimit për ta bërë Shqipërinë si gjithë Europa kanë  sjellë një jetë  mizerabël për pjesën dërmuese të taksapaguesve dhe të begatë për jo më shumë se 5% të popullsisë. Përqindje kjo që përfshin racën e politikanëve e pushtetarëve, soj-sorollopin e tyre dhe oligarkët e bërë të tillë falë përfitimeve dhe përqindjeve që derdhin në xhepat e pushtet-politikanëve.

I palidhur me politikën në këtë vend  je i vdekur !

E përmendëm këtë sentencë të thenë nga një politikan në funksion, pasi e shpreh shumë qartë përmbajtjen e katrahurës që ka gatuar klasa politike në këto tre dekada.

Por situata zotëruese është stresuese pasi, edhe pse kanë kaluar tre dekada nga lënia pas e Komunizmit, në tenxheren e politikës vlojnë  veç të njëjtët emra. Të lidhur me ato parti ?historike?, që kanë përgjegjësi tepër të rendë për mosdaljen nga situata e krizës disavjeçare. Që janë përgjegjëse për manipulimin dhe vjedhjen e votës, për korrupsionin galopant , për manipulimin e drejtësisë dhe degjenerimin e shtetit për nevoja të pushtetit individual etj.

Gjatë këtyre viteve të shkuara, falë mbjelljes së veseve dhe jo virtuteve, politika na ka katandisur në atë farë feje sa, për të mbijetuar, detyrohemi të zgjedhim  të keqen më të vogël. Ti themi  amin pushtetit të ?rilindjes?, që në fakt është i ?rivdekjes?, nga që ai i Republikës së Re lindi i vdekur, të pranojmë të qeverisemi nga Edi Rama, që është miku i oligarkisë dhe armiku i vegjëlisë, pasi Lulzim Basha e Monika Kryemadhi janë njësoj të pangopur si ky i fundit.

Por ajo që na streson më shumë është edhe fakti se ndjehemi të paaftë ta ndryshojmë këtë situatë, ndaj dhe zerave për krijimin e një force të re politike i përgjigjemi me mosbesim, me heshtje dhe mosmiratim. Nga që na tremb fakti se edhe partia e re do të jetë pjellë e këtyre që na kanë katandisur në këtë ditë, sikurse dolën nga mitra e përgjakur e PPSH(Partisë së Punës së Shqipërisë), partitë e reja të pasdiktaturës.

Pra dhe krijimi i një partie të re nuk na e heq stresin, nuk na e ngjall shpresën për të rilindur me të vërtetë. Po atëherë, nga kush duhet ta presim çlirimin?

E ndodhur në të tillë situate e vetmja parti që do të mund të na rikthejë në shinat e demokratizimit është drejtësia e re. Ajo që pritet të dalë nga pasvettingu.

Prodhimi i SPAK-ut, i Byrosë Kombëtare të Hetimit dhe institucioneve që pritet të dalin janë ?partia-ruspë? që do ta shembë këtë godinë të kalbur e të brejtur nga korrupsioni e degjenerimi social-politik.

Duhet besuar tek partia e drejtësisë së re jo vetëm se këto politike mbollën farën e bimës së hidhur që kemi, por sepse kjo rrugë është e vetmja që vjen nga përvoja e ish vëndeve të ngjashme me ne./CNA.al





Lajmet e fundit nga