E fundit!

07:24 Ekonomi

Monedhat e huaja në minimumin historik/ Kursi i këmbimit, 15 korrik 2026

Këtë të mërkurë një dollar amerikan blihet me 81.3 lekë dh...

Skandali në Ministrinë e Financave/ Reagon opozita

25 Janar 2019, 20:50, Aktualitet CNA

Zëdhënësja e Partisë Demokratike, Ina Zhupa në një postim në rrjetet sociale ka komentuar skandalin e publikuar në emisionin ?Stop? ku një specialiste në ministrinë e Financave kërkonte rryshfete.

Sipas Zhupës, paratë që merreshin si rryshfete ndaheshin me drejtorin.

?Të paprekshëmit e Edi Ramës në Ministrinë e Financave!

Skandali në Ministrinë e Financave po tentohet të mbyllet me shkarkimin e një specialisteje.

Siç u tregua me zë dhe me figurë në emisionin ?Stop?, specialistja Mona Aliçka kërkonte rryshfet që një qytetar nga Elbasani të merrte dokumentat që i takonin me ligj. Paratë Mona e Ministrisë së Financave thotë se i ndante me shefin, Endri Duçka.
Ky është personi që ka firmosur praktikën për privatizimin e ish serave për llogari të trafikantit të drogës, Mond Bega.?,-shkruan Zhupa.

Më tej ajo vijon se për këtë ngjarje u shkarkua vetëm specialistja Mona Aliçka dhe drejtori Endri Duçka. Sipas saj ai mbrohet sepse është dhëndër i Vilma Nushit, mikes së Edi Ramës.

?Por shkarkimi i specialistës që flet për bashkëpunim me drejtorin, nuk shkon deri tek drejtori. Endri Duçka nuk preket. Kushërira e tij, Gelardina Duçka, Sekretare e Përgjithshme e Ministrisë së Financave, është personi që mbron një të dyshuar për korrupsion. Fijet e tyre lidhen tek Engjëll Agaçi, Sekretari i Përgjithshëm i Këshillit të Ministrave, njeriu i punëve të pista të Edi Ramës, që ka emëruar të gjithë sekretarët e përgjithshëm të ministrive.

Endri Duçka ka edhe një veçori tjetër, që e dallon nga drejtorët e tjerë. Ai eshtë dhëndri i Vilma Nushit, mikes së Edi Ramës, kështu që garancia për paprekshmërinë e drejtorit Duçka është e dyfishtë, edhe nga kushërira Sekretare e Përgjithshme, edhe nga vjehrra, kliente e kryeministrit.?-shkruan më tej Zhupa.

Sipas Zhupës janë bërë shumë qesharakë dhe të pështirë pasi bëjnë sikur nuk kuptojnë.

?Janë bërë shumë qësharakë dhe të pështirë. Bëjnë sikur nuk dinë, bëjnë sikur nuk kuptojnë, bëjnë sikur nuk dëgjojnë.

Endri dhe Gelardina Duçka nuk dinë gjë për korrupsionin me firmën e tyre, njësoj si Edi Rama që nuk dintë gjë për fallsifikimin nga DH Albania që kishte marrë 30 milionë euro tendera në dy muaj?,-përfundon zëdhënësja e PD-së./CNA.al