Kanionet e Holtës/ Balluku, Klosi dhe Balla, dëgjesë me banorët

26 Janar 2019, 09:22, Aktualitet CNA

Ministrja e Infrastrukturës dhe Energjisë Belinda Balluku, ministri i Turizmit dhe Mjedisit Blendi Klosi dhe deputeti e PS-së, Taulant Balla po zhvillojnë sot një dëgjesë me banorët në Gramsh, lidhur me HEC-in e planifikuar në këtë kanionin e Holtës.

Ministrja Balluku theksoi se ka vendosur ngrirjen e të gjithë kontratave jooperative deri në daljen e raportit të skanimit të tyre.

?Do të bashkërendojmë me Ministrinë e Turizmit dhe Mjedisit për një qasje ligjore dhe administrative të integruar në mënyrë që të mos përsëriten më situata ligjërisht të paatakueshme, por faktikisht të papranueshme, siç është dhe rasti i fundit në Gramsh. Së bashku me Ministrin Klosi do ta kthejmë rastin e Gramshit në një platformë diskutimi të hapur me komunitetin dhe do të punojmë për përmirësimin e bazës ligjore e të procedurave. Por, dua ta them shumë qartë: vërtet HEC-ët e vegjël kontribuojnë në ekonomi, por dhe mund të dëmtojnë ekonomikisht shumë më tepër sesa kontributi i tyre, nëse për një HEC të vogël i bie vlera një pasurie të madhe natyrore. Ndaj, na duhet një ekuilibër perfekt mes zhvillimit ekonomik dhe mbrojtjes se pasurive tona natyrore, të cilat janë pasuria më e madhe që ne shqiptarët kemi?,- është shprehur Balluku.

Deputeti Balla tha se kjo qeveri është ndryshe nga ajo e mëparshmja duke kujtuar protestën për HEC-in e Sotirës.

?Dua që gjithë këtij populli këtu t?i kujtoj një fakt të ngjashëm. Të gjithë e dimë se në Sotirë ka një HEC tjetër, vetëm 40 metër larg ujëvarës. Edhe atëherë u protestua. Ne jemi ndryshe. I falënderoj të gjithë ata që janë bërë pjesë e kësaj proteste për të sensibilizuar. Sikur 1% të bëjë dëm në këtë bukuri natyrore do jetë e patolerueshme që të ndërtohet.

Shumë gabim që kompania nuk ka bërë prezantim projekti. Faj kemi dhe ne pushteti vendor apo qendror që nuk e kemi bërë të qartë përfshirjen e njerëzve.
I dashur përfaqësues i kompanisë, këtë gjë duhet ta kishit bërë shumë më parë. banorët na thanë se bllokohet hyrja në kanion. Nëse bllokohet hyrja, dëmtohet kanioni?, deklaroi Balla.

Kujtojmë këtu se ky HEC-është kundërshtuar nga banorët, ndërsa pak ditë më parë Taulant Balla deklaroi se ?Së bashku me 6 deputetët e tjerë të PS-së në Elbasan kemi marrë detyrat parlamentare për të kaluar shqetësimet në këtë komunitet nga të gjithë banorët e Bashkisë së Gramshit?.