E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Çështja "Cakaj"/ LSI paralajmëron Ramën

23 Janar 2019, 14:30, Aktualitet CNA

Tre deputët e LSI-së, Klajda Gjosha, Përparim Saphiu dhe Nora Malaj kanë reaguar pas delegimit nga ana e kryeministrit Edi Rama të kompetencave të ministrit të Jashtëm, Gent Cakajt.

Me anë të postimeve në rrjetet sociale, deputetët e kanë cilësuar vendimin e kreut të qeverisë si një shkelje të hapur të Kushtetutës.

Ish-ministrja e Integrimit, Klajda Gjosha shkruan se ky akt i Edi Ramës tregon ?përpëlitjet? e fundit të një diktatori të sëmurë.

?Unë nuk e di a ka mbetur më ndonjë fije ndërgjegje në këtë vend! Unë nuk e di a ka më ndonjë përfaqësues shtetëror që të ketë pak personalitet dhe dinjitet!

Nuk e di nëse ekziston më respekti për veten!

Akti i sotëm i Kryeministrit me kalimin e përgjegjësive të Ministrit për Evropën dhe Punët e Jashtme, në kundërshtim të plotë me Kushtetutën, është një akt që tregon edhe një herë përpëlitjet e fundit të një diktatori të sëmurë për pushtet!?-shprehet Gjosha.

Ndërsa, deputeti Përparim Spahiu thotë se ky vendim i Kryeministrit ka vetëm një shpjegim, që sipas tij është konsiderimi si pronë private.

?Vetëm një shpjegim ka vendimi i sotëm i KM-s, sjellje si në pronë private.

Sjellje që e ka demonstruar që ditën e parë të ardhjes në pushtet.

Shitje, dhurim apo delegim, quajeni si të doni.

Kushtetuta???

Kush pyet…..!!!!!?-thotë deputeti i LSI-së.

Për deputeten Nora Malaj, vendimi i sotëm tregoi edhe njëherë që historia e qeverisë është e njëjtë me atë të ?çorapit të najlonit?.

?Qeveria-çorap dhe çorapia e najlonit!

Historia e qeverisë shqiptare sot, pikërisht sot kur ndërkombëtarët flasin, shqiptarët po bërtasin është si historia e çorapeve të najlonit! Ajo është kthyer në një qeveri-çorap nailoni, që po i ikin të tëra fijet dhe tashmë po bëhet e papërdorshme! Fija e parë i iku me protestat e Astirit! Pastaj i iku fija tjetër me shpejtësi marramendëse, me protestat e minatorëve. Tashmë i kanë ikur një sërë fijesh, me protestat e studentëve dhe pedagogëve! Disa fije po i ikin me shpejtësi se nuk mundet më të vazhdoj me sistemin PPP dhe së fundmi, ajo që i vë vulën është papërgjegjshmëria institucionale me aktin e fundit të shkeljes kushtetuese nga KM.?-shprehet Malaj.

Deputetja e LSI-së thekson se tani edhe fija e fundit e çorapeve po ikën, duke iu drejtuar në këtë mënyrë qeverisë.

Ajo thotë se kjo qeveri duhet hedhur në kosh, pasi sipas saj është kthyer në një elemnt toksik.

?Po tani?? Ka veshur çorape qe i kanë ikur fijet të tëra. Në vend ka pllakosur drama kombëtare, ikja masive. Papunësia (harroji hapjet e vendeve), pasiguria (numri më i lartë i vjedhjeve dhe vrasjeve në këtë fillimviti), ekonomia (shkatërrim total, pastrim parash dhe tendera korruptiv), punësimi (kjo tashmë është fjalë e huaj në Shqipëri. Bllokimi dhe izolimi i jetës dhe ajo që i vë kapak gjuhetia e shtrigave, duke paralizuar jetën ekonomike, sociale, duke e cuar atë në luftë për mbijetesë! Tashmë dhe fija e fundit e çorapeve-qeveria po ikën. E bashkë me të tanimë nuk ngel gjë tjeter, vetëm se kjo qeveri-çorap me fije të hequra dhe e shqyer duhet hedhur ne koshin e plehërave, pasi as si element riciklues nuk vlen më! Eshtë kthyer në element toksik që po kontaminon jo vetëm jetën tonë, po edhe atë të Rajonit!?-shkruan Nora Malaj./CNA.al