web counter
LEXO PA REKLAMA!

SHKARKO APP

App Store
Google Play

E fundit!

x

"Maqedonia Veriore"/ Plasin debatet në Parlamentin grek

23 Janar 2019, 13:18, Aktualitet CNA

Çështja e emrit të Maqedonisë ose e njohur ndryshe si ?Marrëveshja e Prespës? ka shkaktuar debate të forta në Parlamentin grek.

Ky projektligj është duke u debatuar nga deputetët e të gjitha partive edhe pse ka marrë miratimin e kryetarëve të komisioneve të Parlamentit.

Marrëveshja pritet të votohet me 25 janar dhe pritet që të marrë 151 votat e shumicës për ratifikimin e saj.

Pro kësaj çështje, përveç deputetëve të SYRIZA-s janë edhe deputetët e POTAMI-t, Grekëve të Pavarur ose ANEL si edhe disa deputetë të shkëputur nga partitë e tyre.

Ndërkohë, një pjesë e madhe e qytetarëve grekë janë kundër kësaj marrëveshje, ndërsa qeveria ka nisur një fushatë për të treguar ndikimin pozitiv që do luaj ky vendim në rajon.

Ndonëse kjo marrëveshje mund të marrë më pak se 151 vota, Alexis Tsipras po mundohet që ta paraqesë para opinionit publik si një votim të shumicës.

Partia opozitare Demokracia e Re nga ana e saj po bën të paqmundurën për të bllokuar këtë marrëveshje, duke thënë se Tsipras po mundohet të shesë historinë.

Kujtojmë që para pak ditësh, Tsipras dhe qeveria greke fitoi votëbesimin e Parlamentit dhe vetëm partia Grekët e Pavarur deklaroi shkëputjen nga koalicioni qeverisës, pasi ishte kundër kësaj marrëveshje./CNA.al





Lajmet e fundit nga