web counter
LEXO PA REKLAMA!

SHKARKO APP

App Store
Google Play

E fundit!

x

Epidemia e fruthit/ Pipero apel prindërve: Vaksinoni fëmijët

23 Janar 2019, 13:38, Aktualitet CNA

Mjeku i sëmundjeve infektive Pëllumb Pipero i ka drejtuar një apel të fortë të gjithë prindërve, të vaksinojnë fëmijët për t?u mbrojtur kundër fruthit.

I ftuar në studion e ABC News, mjeku Pipero tha se e vetmja mënyrë e mbrojtjes kundër fruthit është vaksinimi, ndërsa dekurajoi cdo lloj zëri që është kundër.

?Nuk mund t?ja lëmë rastësisë në dorë fatin e fëmijës. Apeli im për prindërit është vetëm vaksinimi. Dekurajoj çdo lloj zëri që është kundër vaksinimit të fëmijëve.?-tha Pipero.

Ndërsa i pyetur nga gazetarja, sesi një i rritur mund ta kuptojë nëse është apo jo i vaksinuar, Pipero tha se mund të bësh një test te ISHP.

?Mund t?i drejtoheni ISHP-së, ku do ti nënshtroheni një testi të thjeshtë, i cili tregon nëse jeni i mbrojtur. Testi tregon nëse je i mbrojtur në mënyrë natyrale, pra e ke kaluar fruthin ose je vaksinuar. Nëse rezulton se nuk jeni i mbrojtur duhet të shkoni në ambulancën më të afërt dhe bën vaksinën për fruthin?-u shpreh Pipero.

Ndërsa duke u ndalur tek simptomat, Pipero tha se më të shpeshtat janë temperatura e lartë dhe ekzantema, por që shoqërohen edhe me këputje, kollë të thatë dhe dhimbje trupi.

?Shenjat më të zakonshme të shfaqjes së fruthit janë temperatura e lartë dhe ekzantema. Shoqërohet edhe me dhimbje trupi, kollë të thatë, këputje dhe djersë, por në rastin kur fillojnë e shfaqen njollat në lëkurë, situata është drejt përmirësimit dhe temperature fillon e bie. Por, rithekson se mbrojtja më e mirë është vaksinimi?. ?tha ndër të tjera mjeku i njohur Pëllumb Pipero./ CNA.al





Lajmet e fundit nga