web counter
LEXO PA REKLAMA!

SHKARKO APP

App Store
Google Play

Cakaj ministër i Jashtëm/ Mediu akuza të rënda Ramës

23 Janar 2019, 15:33, Aktualitet CNA

Për kreun e Partisë Republikane, Fatmir Mediun, delegimi i autoritetit të ministrit të Jashtëm, Gent Cakajt, tregon kalbëzimin e qeverisë.

?Të dashur miq

Veprimi i Ramës për të deleguar një autoritet kushtetues si ministri i Jashtëm të një zv/ministër Gent Cakaj, është një veprim absurd, i cili tregon kalbëzimin e qeverisë shqiptare.?-thotë Mediu.

Në një postim në rrjetet sociale, kreu i PR-së shkruan se ky vendim përballë çështjes së kufirit detar me Greqinë, kufijtë e Kosovës apo Presidenca e OSBE-së, tregojnë që përfaqësimi ynë do jetë shkatërrues.

?Ne jemi përballë sfidash kombëtare siç është hapja e negociatave me BE.

Dikutimi i kufijve detar me Greqinë

Dialogu Kosovë-Serbi

Përgjegjësia e madhe me marrjen e Presidencës së OSBE.

Ulja e nivelit të përfaqësimit në këto çështje është shkatërruese për politikën e Jashtme, e paprecedentë dhe idiotike.

Çështje që kërkojnë angazhim dhe nivel maksimal përfaqësimi dhe mbështetje politike, Rama i degradon në marrëdhënie të rëndomta teknike.

Kjo është varfëria mendore dhe politike e kësaj qeverie.?-shprehet ai.

Deputeti krahason politikën e kryeministrit Edi Rama  me atë të diktatorit Enver Hoxha, i cili sipas Mediut nuk kishte fare nevojë për politikë të Jashtme.

?As më shumë e as më pak, më keq se Enveri dhe më keq se Putin.

Enveri s?kishte nevojë për marrëdhënie me Jashtë se ndërtonte komunizmin nën rrethim, nga armiqtë borgjezo-imperialiste

Ndërsa, Rama shkatërron shtetin dhe ndërton korrupsionin.?-shkruan Fatmir Mediu./CNA.al





Lajmet e fundit nga