E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Katër dhoma pa leje/ Basha nuk lejon inspektorët e IMT-së të bëjnë verifikime

27 Dhjetor 2018, 18:20, Aktualitet CNA

Inspektorati i Mbrojtjes së Territorit ka nisur verifikimin në terren pas publikimit nga media të pamjeve të shtesës së katër dhomave të bëra pa leje nga kryetari i Partisë Demokratike, Lulzim Bashës,në pallatin me ku ai jeton.

Gjatë ditës së sotme në shtëpinë e Lulzzim Bashës kanë shkuar disa inspektorë të IMT-së, të cilët kanë bërë verifikimet e nevojshme për gjendjen aktuale të banesës së tij dhe verifikimin e faktit nëse është në përputhje me dokumentacionet e planimetrinë, mbi të cilën është dhënë leja e ndërtimit të këtij pallati.

Pavarësisht se Basha e cilësoi si të pavërtetë këtë lajm, ai nuk ka lejuar që inspektorët e IMT-së të bëjnë verifikime në banesën e tij.

Duke marrë shkas nga ky kundërshtim, IMT i ka dhënë kryedemokratit një shkresë zyrtare ku i lënë 5 ditë afat për të dorëzuar gjithë dokumentacionin tekniko-ligjor për apartamentin e tij dhe shtesën që ka bërë me lejen, që dyshohet se i dha vetes gjatë kohës që ishte kryetar i Bashkisë së Tiranës.

Në shkresën e IMT-së theksohet se punonjësit kanë kontaktuar në hyrje të apartamentit një nga bodyguardët e kreut të PD-së, i cili ka marrë në dorëzim edhe njoftimin zyrtar për dorëzimin e dokumentacionit të kërkuar.

?Inspektorati i Mbrojtjes së Territorit (IMT), Bashkia Tiranë bazuar në kompetencat e ngarkuara nga ligji, si dhe referuar indicieve dhe ankesave të depozituara dhe administruara nga IMT, Bashkia Tiranë, lidhur me apartamentin e ndodhur në adresën Rr. ?Dervish Hima? dhe ?Skerdilajd Llagami?, Kulla 2, Kati 11/12 i banimit, për shkak të mungesës së aksesit në ambientin e sipërpërmendur, lutemi që brenda afatit 5 ditor të dorëzoni pranë Inspektoratit të Mbrojtjes së Territorit, Bashkia Tiranë, dokumentacionin tekniko-ligjor në lidhje me apartamentin në pronësinë tuaj?- theksohet në shkresën që IMT i drejton Bashës dhe bashkëshortes së tij, Aurela Isufi./CNA.al