web counter
LEXO PA REKLAMA!

SHKARKO APP

App Store
Google Play

E fundit!

x

PD përgënjeshtron Report TV/ Media mjerane që pasurohet duke gënjyer

27 Dhjetor 2018, 16:20, Aktualitet CNA

Partia Demokratike ka përgenjështruar lajmin e Report tv, të cilin ajo e konsideron si ERTV2, se Kryetari i Bashkisë së Tiranës Erion Veliaj ka paditur kreun e PD-së Lulzim Bashën dhe deputeten Jorida Tabaku për shkelje dhe shpiflje.

Në njoftimin e PD-së për  mediat, shkruhet se ky televizion ka dezinformuar shqiptarët në të njëjtën mënyrë si kryebashkiaku, i cili ka paraqitur banesën e dikujt tjetër si apartamentin e  Bashës.

?Televizioni ERTV 2, të cilin publiku e njeh me emrin Report TV, ka shkelur çdo standard të gazetarisë për t?i shërbyer në mënyrë mjerane padronëve që e furnizojnë me para, Edi Ramës dhe Erion Veliajt.

Njësoj si kryemashtruesi i Tiranës, Erion Veliaj, ERTV 2 ka dezinformuar shqiptarët, kur ka paraqitur një banesë të dikujt tjetër si apartamentin me 4 shtesa të paligjshme të Kryetarit të Partisë Demokratike, Lulzim Basha.

Pamjet me dron, të transmetuara nga ERTV 2, për të cilat shpifi Erion Veliaj pak ditë më parë, nuk i përkasin fare pallatit ku banon Kryetari i Partisë Demokratike. Këto pamje janë janë një mashtrim i shëmtuar i shërbëtorëve të Ra?mës dhe Veliajt në Report TV. ?-shkruhet aty.

Ndër të tjera, në njoftim shkruhet se nëse kjo media do thoshte të vërtetën do e verifikonte cila është shtëpia e kryedemokratit.

?Nëse kjo kioskë televizive do të kishte për qëllim të thoshte të vërtetën dhe të mos u shërbente qindra mijëra eurove të paguara nga pushteti i korruptuar i Rilindjes, do të kishte verifikuar se shtëpia e Lulzim Bashës është në një pallat tjetër dhe nuk ngjan aspak me atë që u paraqit në pamjet me dron nga ERTV 2.

Këta shërbëtorë mjeranë, që pasurohen për të gënjyer dhe mashtruar shqiptarët, meritojnë të bojkotohen nga qytetarët, të cilët kanë të drejtë të informohen me vërtetësi, pa u helmuar nga makineria e propagandës së një pushteti të kalbur nga krimi dhe korrupsioni.?-mbyllet njoftimi i Partisë Demokratike./CNA.al





Lajmet e fundit nga